Home General Mapanan di proyecto di hotel banda di aeropuerto a worde entrega

Mapanan di proyecto di hotel banda di aeropuerto a worde entrega

0
0
SHARE
- Advertisement -

Mapanan di proyecto di hotel banda di aeropuerto a worde entregaORANJESTAD(AAN): E mapanan di proyecto di hotel banda di aeropuerto a worde entrega na DOW y tambe a worde manda pa brandweer.

Brandweer a duna su conseho riba dje y naturalmente door cu ta hopi cerca di aeropuerto, tin un otro aspecto cu ta hunga un rol, cual ta e bouwhoogte cu tin cu worde duna, segun director di DOW, Marlon Croes.

   A pidi conseho di directie Luchtvaart pa nan duna conseho, kico ta e haltura maximo cu e hotel aki por worde construi. Ta den espera di e conseho aki. Tin di compronde cu el a sali prome cu fin di siman of comienso di otro siman, lo mester tin’e.

Na momento cu ricibi esey, como DOW tin cu duna un permiso di construccion, caminda cu lo pasa door di e mapanan y si tin problema cu e haltura, ta combersa cu e desaroyadornan pa guianan den e proceso con y kico ta bay worde haci pa nan haya un permiso di construccion.

Croes ta sigui splica cu fuera di esey, manera tur edificio comercial, vooral cu tin di haber cu hotel, lo tin cu tene cuenta cu brandveiligheid, a base di cual el a bay caba y tambe guia nan den e proceso pa cuanto parkingvak tin mester, kico ta e facilidadnan en conexion cu riolering. Tur eseynan ta tene cuenta cune pa nan opera na un manera responsabel.

E tereno aki ta uno priva. Segun Croes, esaki ta haci un diferencia den e destinacion den uzo di e tereno. Si ta un tereno erfpacht, gobierno por stuur den e caso ey, bisa ki destinacion e tereno por tin. Pero den e caso aki ta un tereno priva. E ora ey e ROP no ta mara riba dje. E tin cu cumpli cu e permiso di construccion, pero pa su uzo e no tin’e ainda.

Tin biaha ora ta traha tereno na Gobierno, ta mara pa cuminsa y caba tal tempo. Esey segun Croes, pa un of otro motibo no por termina e proyecto, DOW lo keda vigila e caso, y wak con por combersa cu e desaroyadornan y stimula pa caba cun’e. Mescos cu tur otro edificio, tin cu ta logra cu un exito y tin no ta duna e resultado desea, segun Croes.

Pa loke ta entrada di trafico, e ta bay ta hopi cerca di Green Corridor. Eyriba no ta bay ta permisibel pa tin un acceso directo. E mester tin un acceso via e caminda banda di aeropuerto. Brandweer si a exigi pa ora di calamidad, tin un acceso for di Green Corridor pa nan por yega mas lihe, pa por combati cualkier calamidad y riba esey tin cu bay combersa pa con nan ta bay planea e acceso den ora di emergencia.

Loke sa ta cu ta trata aki di un desaroyado local cu partnernan internacional, cu ta na encargo di e proyecto aki. Croes a splica cu si por a scucha nan expresionnan cu a worde haci, nan lo tin hopi deseo pa cuminsa mas pronto posibel. Naturalmente tin cu pasa den un proceso pa por otorga e permiso di construccion.

E cantidad di camber ta conoci, pero prome cu establece esey, tin cu wak con halto e por bay maximo, cu ta bay tin influencia riba dje.

E proyecto aki ta varia entre 80 y 100 camber, segun Marlon Croes.

- Advertisement -

DUNA COMENTARIO

Please enter your comment!
Please enter your name here