Home Policial Mediante fondonan di ATA ta contribui cu necesidadnan di Cuerpo Policial

Mediante fondonan di ATA ta contribui cu necesidadnan di Cuerpo Policial

1
0
SHARE
- Advertisement -

Minister Otmar Oduber satisfecho cu

ORANJESTAD(AAN)– Minister Otmar Oduber a indica cu e ta hopi satisfecho cu un biaha mas, mediante fondonan di ATA a logra cumpli cu necesidadnan di Cuerpo Policial y cu lo sigui haci esaki a traves di e diferente fondonan pa asina por sigui ofrece e siguridad pa cual Aruba ta conoci pe na nivel internacional.

Asina siman pasa a traves di Aruba Hotel & Security Foundation a haci entrega di 150 bullet proof vest na Cuerpo Policial, contribuyendo na mehoracion di siguridad di agentanan policial.

Mientras tanto, den ultimo 4 añanan, a traves di fondonan di turismo cu ta inclui ATA, Aruba Hotel & Security Foundation y TPEF, a inverti un suma di aproximadamente 4 miyon Florin den diferente aspecto di e parti di siguridad. Entre nan por menciona autonan, ekiponan acuatico, material pa agentenan y mas.

Minister Oduber ta considera e parti di siguridad como uno hopi importante pa loke ta calidad di servicio y como tal ta importante pa mira e diferente posibilidadnan cu tin pa por realisa inversionnan pa contribui cu Cuerpo Policial.

Nos isla ta reconoci internacionalmente como uno sigur y ta importante pa mantene esaki evitando cu e tipo di desaroyonan cu a bin ta tumando luga cu turistanan sigui tuma luga.

Pesey a bin ta reuniendo cu e diferente instancianan pa wak te unda sector turistico por contribui na mehoracion di siguridad.

Trabou cu Cuerpo Policial a bin ta haciendo ta uno di admira, pero semper tin luga pa mehora y esaki por wordo logra entre otro dor di traha hunto y haciendo e inversionnan necesario. Aki, Minister Oduber ta cla pa brinda un man na su colega di Husticia Arthur Dowers. E ta considera cu conhuntamente por traha y logra desaroyonan sumamente positivo pa Aruba den e aspecto di siguridad, no solamente pa e turista, pero tambe pa nos localnan.

Finalisando, Minister Otmar Oduber kier a felicita y gradici Cuerpo Policial pa e gran trabou y sosten cu nan ta dunando den mantencion di siguridad den e zona turistico y a remarca un biaha mas cu mientras cu por lo haci lo posibel pa fondonan di turismo por sigui wordo inverti den e aspecto di siguridad.

- Advertisement -

DUNA COMENTARIO

Please enter your comment!
Please enter your name here