Minister Oduber a splica taxistanan cu nada a cambia encuanto traspaso di vergunning

Publication: Wednesday, 31 August 2016. Categoria: General

Reunion cu taxistanan a bay bon

Minister Oduber a splica taxistanan cu nada a cambia encuanto traspaso di vergunningORANJESTAD (AAN): Minister Otmar Oduber a keda hopi satisfecho di un reunion cu el a tene recientemente na Piedra Plat cu taxistanan.

Contento pa motibo cu e taxistanan presente por a expresa nan preocupacion y el a haya chens como mandatario a contesta tur pregunta y trata di kita e preocupacionnan cu splicacion detaya di su maneho.

Mas cu 70 taxista a acudi na e reunion aki yama door di Minister Otmar Oduber, unda enbes di combersa cu e bondnan tabata kier a intercambia di pensamento cu e propio taxistanan.

“E bondnan ta representa e centralnan cu no ta un sindicato. E taxistanan mes ta bisa cu nan ta doño di nan propio vergunning, pero ta asocia cu e central pa nan por haya trabao pa haci. Esaki sinembargo no ta nifica cu e Central por papia den nomber of defende nan manera un sindicato lo haci.”

E mandatario a haya e reunion hopi interesante y por a constata pa su mes cu tin hopi informacion cu ta circula rond cu ta worde politisa, y tin hopi politiek ta hunga entre e taxistanan. Mesun momento e mandatario a haya hopi mensahe di taxistanan cu tabata trahando y cu no por a acudi na e reunion den oranan di anochi. El a constata hopi cla for di esnan presente, cu ta di diferente Bond di Taxistanan, “cu tin hendenan cu tin un otro agenda. Por ehempel cada biaha ta worde menciona cu tin un lista cu 300 y pico firma, pero e firmanan aki nunca a worde entrega na Gobierno y tampoco entrega cu un carta. Ya caba tin 4 luna nan ta papiando di 300 pico firma, pero nunca el a yega Gobierno. Tabatin taxista presente cu a firma originalmente debi na e incertidumbre cu nan tabatin pa cu traspaso di vergunning pa kostwinner di famia, ta bisa cu nan firma no ta valido mas pasobra e situacion a worde aclaria.” Esaki, e mandataro abisa, tabata un discucion politico pasobra nada no a cambia pa loke ta traspaso di vergunnning. E ta kere mas bien cu un grupo di taxista ta bisa cu nan ta papia den nomber di otronan, siendo cu esaki no ta berdad. Cada biaha ta menciona un MB, pero e mandatario kier recorda tur hende cu un MB no ta para riba ley, cual ta esun cu tin mas peso.  Un MB ta un maneho cu ta hiba pa ehecuta e ley. Pues na ningun momento por sigui fomenta noticia falso. No tin cambio. Si peticion ta cumpli cu loke ta para den ley, traspasonanta sigui tuma luga. Contrario na antes unda cu tabatin bendemento di vergunning, esey ta para.

Den e reunion tambe a papia cu Bondnan di taxi pa mas cu 3 aña caba no a pidi reunion ni cu Gobierno ni cu Minister. Pero Oficina di Minister Otmar si a haci invitacion na Bondnan pa sinta combersa, pero e contribucion tabata minimo, ya cu no tabatin “issues” riba mesa pa discuti. Lamentable ta cu despues di 7 aña di bon relacion cu e mandatario, ta bini cu asuntonan di 8 aña pasa ora cu Gobierno kier a cobra taxistanan mas cu 400 Florin na aeropuerto. Esaki ta temanan cu a worde resolvi caba y e mandatario a enfatisa cu aworaki no tin “issues” pa discuti na mesa.

Como mandatario el a bisa cu e ta kere cu a yega momento pa papia riba e tarifanan, y cual ta un proposicion di Gobierno pasobra e Bondnan mes no a presenta ningun proposicion e ultimo 3 añanan. Gobierno di su banda a informa e Bondnan den un ultimo reunion cu lo manda nan un carta pa bini cu un proposicion cu por cuminsa delibera riba dje, mirando cu e ultimo ahuste a tuma luga na aña 2009.

Leave a Reply