Home General Minister Paul Croes ta felicita de Meza cu logro historico y cu...

Minister Paul Croes ta felicita de Meza cu logro historico y cu balor grandi pa Aruba

0
0
SHARE
- Advertisement -

Minister Paul Croes ta felicita de Meza cu logro historico y cu balor grandi pa ArubaORANJESTAD(AAN)– E anuncio di Minister Mike de Meza a haya reaccion sumamente positivo den nos comunidad. Tambe for di colega di Labor drs. Paul F.T Croes cu a mustra cu e contribucion aki ta uno inmenso pa empleo riba nos pais.

“Un inyeccion enorme den nos economia. Pero sigur pa empleo pa nos Arubianonan. Interes ta halto pa trabounan cuminza pa asina nos hendenan por haya e oportunidad pa traha den e refineria. Mi kier siguramente uni mes na e palabranan di elogio na Minister Mike de Meza pa su esfuersonan incansabel pa logra e reapertura di e refineria”, minister Paul Croes di labor a agrega.

Cu e anuncio aki comunidad completo por mira cu Gobierno di Aruba a atende cu e cuestion aki den un forma responsabel. Cada paso cu e Minister a tuma tabata pasonan estrategico y tambe tumando su tempo. “Nos tabatin e confianza den nos colega cu e lo logra e firma final den e acuerdo aki. Pabien na Aruba y sigur na e pueblo di San Nicolas cu e reapertura di e refineria”, minister Paul Croes a mustra.

- Advertisement -

DUNA COMENTARIO

Please enter your comment!
Please enter your name here