Home Policial Molester di cacho tabata suficiente motibo pa un homber los tiro riba...

Molester di cacho tabata suficiente motibo pa un homber los tiro riba nan

0
0
SHARE
- Advertisement -

ORANJESTAD (AAN): Un hende muher a reporta Diahuebs net despues di merdia cu un homber Ito G., kende ta biba den cercania di YMCA Dakota den un apartamento, ta birando un trouble-maker pa e area.

   E señora cu a reporta na polis, a splica na autoridad, cu e homber un par di dia caba pa medio di un arma ta tira paranan den vecindario.

   Diahuebs e persona ta reporta tambe cu e homber a los tiro, y dispara riba un cacho y e cacho encuestion e core bay.

   Patruya a worde dirigi pa central di polis den Bacobastraat y vecindario di Y.M.C.A. pa un situacion sospechoso, na unda un homber inicial H. a tira un cacho cu pistol di aire.

   Central di polis a notifica e unidad cu e homnber H. lo ta sinta den un Van di Entrega color preto staciona den vecindario.

   Patuya mientras tanto a presenta, y nan a topa un Micro-Van, esta e vehiculo di entrega color preto, probablemente e lo ta un Deawoo di modelo Damas cu number A-24357 e tabata staciona dilanti e cas den Bacobastraat.

   Parce cu H. ta biba na e cas en cuestion, segun polis a menciona den nan rapport oficial.

  1. a sali pafo y den su defensa, el a declara di tin molester di tur e cachonan di bisiñanan cu ta laga sushi rond di su cas.

   Segun  e homber a bisa, na diferente ocasion el a papia cu bisiñanan tocante nan cacho cu ta circula riba caminda publico.

   El a declara tambe di a tira un cacho cu scopet di aire y cu e cacho a core bay den direccion pabao. Ademas e ta declara na polis cu e no sa di ken e cacho ta, y Polis a puntra e homber pa nan wak e scopet.

   E homber a habri e vehiculo y a saca e scopet cu ta riba asiento di chofer. E scopet no ta empaketa.

   Polis a atende e homber debidamente, y el a declara cu e scopet no ta di dje, y a admiti cu e no tin permiso pe.

   E scopet di aire ta di marca “Benjamin” modelo AS392 di .22 cal (5.5 mm) a worde confisca.

   Mientras tanto informe adicional ta menciona cu patruya a busca den vecindario pa e cacho encuestion pero nan no a localiza e cacho

   Mey ora despues, Central di Polis a dirigi patruya den Calabasstraat pa menaza na unda e homber H. a menaza e señora habitante di e cas. Esaki relaciona cu e asistencia cual patruya atende algun minuut prome.

   Yegando na e adres di e señora, el a declara cu despues cu Polis a papia cu e homber… ata e homber bisiña inicial H. a menase. Segun e señora, cu H. a menase debi cu e ta pensa cu ta su persona a yama polis pe.

   E señora a declara cu ora cu polis a papia cune , y despues polis a papia cu H., e señora a bay na cas den Bacobastraat cual ta keda den cercania di cas di H. pa e papia cu e homber bisiña un tal R. pa papia tocante di su cacho.

   E señora tambe a declara cu  H. a zundre cu palabranan menos bunita.  E señora a sigui declara, cu e homber a mata tur cacho den vecindario e anochi ey. Patruya a bolbe bay na cas di H. y a bise e consecuencia si e mata cachonan den vecindario.

  Polis a conseha e homber H., pa e mes  yama polis ora cu surgi problema den vecindario cu e cachonan, y pa e mes no bay regla cuenta riba su manera.

   El a declara cu no ta berdad di a bisa di lo mata cachonan y cu e señora ta fresco y cu el a zundre dilanti porta di cas.

   Polis a conseha tanto e señora como tambe e homber H., pa nan no atende cu otro mas.

- Advertisement -

DUNA COMENTARIO

Please enter your comment!
Please enter your name here