Home General Refinery Technical Certification Program ta bay promove hobennan Arubiano den refineria

Refinery Technical Certification Program ta bay promove hobennan Arubiano den refineria

0
0
SHARE
- Advertisement -

Minister di Labor:

Refinery Technical Certification Program ta bay promove hobennan Arubiano den refineriaORANJESTAD (AAN): E siman aki Minister di Labor, drs. Paul Croes a anuncia e encuentro cu e comision encarga pa prepara e recomendacionnan na Gobierno di Aruba riba e Refinery Technical Certification Program pa hobennan (cu cierto habilidad tecnico) por drenta refineria.

   E comision ta consisti di diferente representante di Gobierno y Ministerio. Meta principal di e programa aki ta pa garantisa cu, den futuro cercano, por garantisa cu yiunan di tera por haya un oportunidad di trabao fiho den e refineria.

   Specificamente y entre otro, tin representante di Ministerio di Educacion, Ministerio di Asuntonan Economico y Energia, Ministerio di Asuntonan General y di Ministerio di Labor. Banda di esaki e proceso aki lo worde guia hunto cu e expertonan di e Refineria di Aruba (RDA) pa yega mas lihe posibel na un programa cu certificacion internacional pa nos hobennan Arubiano.

   Minister Paul Croes a anuncia cu e siman aki e encuentro lo tuma luga unda cu resultadonan concreto lo sali pa apoya nos hendenan local pa trabao. E comision aki a keda institui recientemente pa medio di un Decreto Ministerial.

- Advertisement -

DUNA COMENTARIO

Please enter your comment!
Please enter your name here