Home General Tin interes grandi di e hotelnan, pero pais Aruba tambe su interes...

Tin interes grandi di e hotelnan, pero pais Aruba tambe su interes ta grandi pa enfoca riba mercado turistico

0
0
SHARE
- Advertisement -

Prome Minister Mike Eman:

Tin interes grandi di e hotelnan, pero pais Aruba tambe su interes ta grandi pa enfoca riba mercado turisticoORANJESTAD  (AAN): Den un entrevista cu Prome Ministro Mike Eman, a haya sa mas di e asunto di carta di AHATA.

   Den e caso aki, ta papia cu e proposicion aki AVP mes tabata tin den mente na 2008 y cu awe AHATA a manda pa prome minister Mike Eman pa haci un cambio den e topa di ATA..

   Despues cu Gobierno a sinta, e situacion a cambia. AHATA tambe a splica esey den su carta na prome minister. Segun Prome minister, Mike Eman, loke a presenta den pasado ta e vision cu finalmente a desemboca den ATA, caminda cu a bisa tempo cu AVP tabata den oposicion, a mira cu continuamente e instituto ATA, cu mester a maneha turismo di Aruba, tabata core cu falta di fondo y tabata falta tambe un participacion di sector priva den decisionnan importante cu tabata worde tuma pa maneho di turismo.

   Tin cu corda, cu tin un interes grandi di e hotelnan, pero tambe interes grandi di pais Aruba tambe pa enfoca riba e mercado turistico cu tin den e momento maximo pa hotel, pero tambe pa nos comunidad. AVP tempo ey a presenta un vision. A hasta trec’e den un presentacion cu presupuesto alternativa, caminda cu a bisa cu a bin crea un fondo destina cu ta bay directamente pa un instituto di ATA privatisa, riba su mes y pa asina ey e institutonan aki por tuma decisionnan pa locual ta trata con ta maneha e industria turistico cu fondonan semper disponibel y no manera cu e tabata sosode den pasado, cu e fondonan no tabata tey, pero si tabata worde presupuesta.

   E structura cu a bin na momento cu a drenta gobierno, ta un structura cu a sali for di e principionan aki cu a presenta caba den tempo di oposicion. Bin cu un instituto independiente, mester bin cu un instituto cu propio fondonan, y a base di dialogo cu a tuma luga durante e periodo cu nan ta den gobernacion, a yega na institui un ley pa bin e ATA cu su propio fondonan y ta un instituto mas independiente.

   Den e sentido ey e ta cumpli completamente cu locual e tempo ey a trece dilanti den oposicion. Si e tempo aya tabata tin pensamentonan riba cuanto miembro di directiva aki aya, tur esey a worde discuti despues, cu a yega na e ATA manera cu nos tin awo, cu ta cumpli completamente cu e puntonan di principio, no e detayenan, pasobra nan a worde discuti na momento cu a drenta gobernacion y partidonan a haya otro y esaki ta loke ATA lo bira. E punto di principio ta cumpli completamente cu locual a bisa den programa di partido y despues programa di gobernacion.

   E mester bira un instituto independiente caminda cu sector priva y sector publico tin su participacion y mester tin un fondo cu e ta haya directamente, pa asina e por mercadia na un manera comodo, consistente, sostenibel y duradero tambe pa asina e industria turistico di Aruba no conoce un momento di caida ora cu no tin placa, etc., manera cu por a wak den pasado. Fondonan mester tey consistentemente, pa keda mercadia Aruba mas eficiente posibel y a logra esey tambe. Si mira e cifranan entre 2009 y 2015, nos industria turistico a crece grandemente den cantidad y tambe den calidad di placa cu cada turista ta gasta pa camber y tambe den nos pais.

- Advertisement -

DUNA COMENTARIO

Please enter your comment!
Please enter your name here