Archivo di September, 2016

Tropical Storm Watch pa Aruba

Publication: Thursday, 29 September 2016. Categoria: General

Matthew_WED_5pm_ORANJESTAD (AAN): Aruba a wordo poni oficialmente cu advertencia di Tropical Storm Watch, door di Gobierno di Aruba.  Un “Tropical Storm Warning” ta wordo emiti ora cu biento sosteni di 62 te cu 117 km/h of mas, asocia cu un ciclon tropical, ta ser spera di pasa den 36 ora of menos.

   E biento aki por ta acompaña pa yobida pisa, inundacion, resake, y destruccion.

    Diaranzon atardi 5:00 pm, e posicion nobo di Tormenta Tropical Matthew ta na 13.8º Nort y 62.0º West.  Esaki ta 110 kilometer pabao di St. Lucia.  Esaki ta igual cu 830 kilometer pariba di Aruba.

Dia 22 di october celebracion di reapertura di CITGO ta tuma lugar den Carnival Village

Publication: Thursday, 29 September 2016. Categoria: General

Esaki como muestra di aprecio na pueblo di Aruba

Dia 22 di october celebracion di reapertura di CITGO ta tuma lugar den Carnival VillageORANJESTAD  (AAN):  Pueblo kier celebra e logro di reapertura di CITGO na grandi. Esaki sin duda no ta algo cu ta pasa a base diario, asina ta cu un celebracion ta na su lugar.

Minister de Meza, di biaha despues di votacion na fabor di reapertura di Ley di CITGO a conta un poco di e celebracion aki cu ta bay tuma luga den Carnival Village na San Nicolas.

“Dia 22 di october proximo e celebracion ta tuma luga na San Nicolas en Carnival Village. Pero banda di esaki ta bay tin otro actividadnan cu tuma luga den e dianan aki. Nan ta tuma luga hunto cu CITGO. Nos ta yama CITGO bon bini na Aruba y bisa Valero masha masha danki pa e añanan cu nan a traha na Aruba. Nan tabata nos partner strategico den e mundo di petroleo.”

Minister de Meza : “Pabien Aruba. Pabien San Nicolas”

Publication: Thursday, 29 September 2016. Categoria: General

ORANJESTAD   (AAN): Despues di e reunion intensivo den Parlamento di Aruba riba e ley di CITGO unda pa dos dia largo a debati, delibera, discuti te den oranan laat di anochi, pa na final e ley a pasa cu 19 vota na fabor, un contra y un miembro ausente, a bin un tsunami di reaccionnan positivo.

    Di biaha despues di votacion, Minister de Meza den un entrevista a bisa “Pabien Auba. Pabien San Nicolas.” El a splica cu awor cu e leynan a pasa e acuerdonan firma cu Valero y CITGO ta bay en efecto. “Nos tin un operador nobo y un doño nobo di e refineria y e doño aki ta pais Aruba. Despues di 92 aña Aruba ta bira doño di e refineria. Nos ta aki representando pueblo di Aruba, asina ta cu e refineria ta di e pueblo aki.”

Prome Minister Eman: A tuma e pasonan necesario pa suministra comunidad sosten

Publication: Thursday, 29 September 2016. Categoria: General

Mayoria di departamento ta cla pa atende efecto di e tormenta

A tuma e pasonan necesario pa suministra comunidad sostenORANJESTAD  (AAN):   Prome Minister Mike Eman hunto cu Minister di Salubridad Publico Dr. Alex Schwengle, diferente instancia, manera Rampen Bureau, Brandweer y Alto Comisario di Polis Dolfi Richardson a duna un conferencia di prensa ayeranochi 8’or na Bestuurskantoor relaciona cu e “Tropical Storm Warning” cu tin den nos region.

   Mester enfatiza cu ta trata di un tormenta tropical y no un horcan. Sin embargo ta importante pa tin precaucion pero no mester crea panico, Premier Eman a subraya. Tur hende mester sigui di cerca e informacionnan y e ultimo boletinnan di Departamento Meteorologico di Aruba.

A haci detencion y confisca auto durante investigacion di droga den Kamerling Onnestraat

Publication: Thursday, 29 September 2016. Categoria: Policial

ORANJESTAD   (AAN): Diaranzon mainta miembronan anti droga a drenta un cas den Kamerling Onnestraat. E ta un accion cu e Departamento di Droga a haci hunto cu esnan di K-9 cu tambe a bay pa duna un man. A haci un detencion na e adres y tuma un auto den beslag.

Prome Minister Whiteman: Te awor Eleccion ta sigui na Corsow

Publication: Thursday, 29 September 2016. Categoria: General

ORANJESTAD  (AAN): Eleccion na Corsow te na e momentonan aki ta sigui, Gobierno di Corsow lo sigui monitoria di cerca tur movecion di e ciclon tropical Matthew. En caso cu e condicionnan meteorologico empeora pa 6or di diabierna mainta lo por dicidi pa pospone eleccion tabata e palabranan di Prome Minister Ben Whiteman. Manera e situacion ta actualmente no tin mester di pospone eleccion di diabierna ainda.

Departamentonan concerni haciendo preparacion pa posibel calamidad

Publication: Thursday, 29 September 2016. Categoria: General

ORANJESTAD (AAN): Ministerio di Turismo, Transporte, Sector primario y Cultura ta responsabel tambe pa e departamento di Servicio Meteorologico di Aruba. Minister Otmar Oduber tin dialogo continuo cu Minister President y Bureau Rampenbestrijding pa desarayonan meteorologico. Mirando cu e situacion actual no ta uno ainda di calamidad, e ta keda responsabilidad di Meteo te ainda pa trece informacion na comunidad.

   Meteo ta den contacto cu gobierno  continuamente y ta saca boletinnan regularmente pa informa comunidad riba e mal tempo cu ta na caminda pa Aruba.

Caso grandi di 8 extranhero envolvi den traficacion di 365 kilo di cocaine mayan den Corte

Publication: Thursday, 29 September 2016. Categoria: Judicial

Si abogadonan ta den accion e caso lo bay door?

ORANJESTAD  (AAN) – Un grupo di 8 extranhero parti den Venezolano, Colombiano y Dominicano, lo mester presenta dilanti Hues mayan mainta pa tratamento di e caso penal cu Ministerio Publico a cuminsa contra nan.

Na Juni 2016 e sospechosonan a presenta dilanti Hues caminda Fiscal a bisa cu door cu abogado mr. Illes kier scucha testigonan, e caso ta pro forma.

IMPORTA 365 KILO DI COCAINA

Tin un andansa di “Rotavirus” bou di muchanan

Publication: Thursday, 29 September 2016. Categoria: General

Departamento di Salud Publico ta adverti:

Tin un andansa di “Rotavirus” bou di muchananORANJESTAD    (AAN): Actualmente Aruba ta pasando den un periodo no usual den cual tin un crecemento den casonan raporta di diarea combina cu sacamento, specialmente bou di baby y mucha chikito.

Mayoria di e casonan raporta door di Hospital ta den e edad di 1 pa 4 aña y e causa principal ta Rotavirus, confirma door di laboratorio. Deshidratacion ta e motibo principal pa hospitalisacion y e averahe di dianan interna ta 2 pa 3 dia.

Grandeza di un politico ta ora cu bo por mira mas leu cu bo propio interes y mira interes di Aruba

Publication: Thursday, 29 September 2016. Categoria: General

ORANJESTAD (AAN): Mester reconoce esunnan cu a traha añanan largo pa logra cu tin e deal di refineria riba mesa. Ami mes tabata critico na diferente ocasion ora a papia di posibel reparterura di refineria. Pero mester ta sincero y elogia minister Mike de Meza pa trabao haci pa trece e refineria aki pa pais Aruba. Cu esaki mi ta kere mi ta contesta na un forma hopi cla e pregunta di señora Marisol Lopez-Tromp riba mi opinion di mi firma riba e ley, Minister Otmar Oduber a bisa.

   “Bo por tin un vision y pensamento cu bo ta kere 100% den dje y te dia di awe mi ta kere cu San Nicolas merece un hotel. Mi por compromete cu e pueblo cu mi lo sigui traha pa San Nicolas haya su hotel.” Uno no ta cera porta pa otro, e no ta facil y mas bien e ta dificil pa mira con pa crea un desaroyo turistico cu por tin influencia economico pa e area pariba di nos isla, minister Oduber a bisa.

Mester balansa entrada minimo cu salario minimo trahando riba factornan di influencia

Publication: Thursday, 29 September 2016. Categoria: Politica

Eddie Ras di PDR:

EDDY RASORANJESTAD (AAN) —  E miembro di Partido Democracia Real, señor Eddie Ras a referi na e balansa cu mester tin entre salario minimo y entrada (bestand) minimo cu un persona, of un famia mester pa cubri su gastonan di subsistencia.

Sr. Ras a señala pa Matutino DIARIO, cu pa logra e balansa aki mester traha riba e factornan cu ta influencia e entrada minimo.

“Bestand minimo ta e suma mensual neto pa cubri e costo di bida basico. Den un comunicado di CBS di Juli 2016, pa un persona so ta 2.068 florin y pa un famia di dos adulto y dos yiu ta 4.348 florin.

Negativismo di Mep a resalta durante reunion riba refineria

Publication: Thursday, 29 September 2016. Categoria: Politica

ORANJESTAD   (AAN)  — Fraccion di Mep den parlamento a defrauda so durante reunion publico cu a trata e ley pa apertura di nos refineria. Nan a critica delaster un cos y kier duna nan mes partido e credito pa e logro aki. Cu tur e criticanan negativo y no al caso nos den parlamento a kere sigur cu Mep ta bay vota contra e ley aki.

   E lider di Mep manera cu rabia tabata critica e contractnan. Despues a compronde cu e ta hacie dolor pasobra no ta “bufete di papa” a cera e contractnan y cu e “bufete di papa aki a keda “buiten spel”. Net e lider di Mep aki kier bin critica e contractnan?? Net anan cu ta experto pa haci cosnan moralmente contra etica cu sacamento di clausula nan for di contract pa beneficia nan propio saco. Nan no por kere cu por tin gobernantenan drechi cu por negocia na bienestar di e pais aki sin cu tin cos pa nan saco. “Piensa el ladron que todos son de su condicion”.

“Mi ta mas preocupa pa nos situacion financiero”

Publication: Thursday, 29 September 2016. Categoria: Politica

Evelyn Wever-Croes despues di reuni cu CAFT

ORANJESTAD     (AAN):  Parlamento a reuni diaranson merdia cu CAFT den un reunion di cual su contenido mester keda secreto.

  “Mi mester bisa si cu mi ta mas preocupa pa e situacion financiero di nos pais. Mi no por bai den contenido di e reunion, pero mi lo menciona solamente algun conclusion cu Caft a publica den nan rapportnan anterior.

 

Tormenta Tropical Matthew a laga basta daño atras na Barbados

Publication: Thursday, 29 September 2016. Categoria: General

ORANJESTAD (AAN): Diaranzon durante henter dia, Diario tabata sigui di cerca e desaroyonan di e tormenta tropical Matthew cu tabata pasando den cercania di Barbados. Nos fuentenan for di trempan a indica cu e tempo a cera y awa tabata bashando fuertemente.

Reapertura di refineria por trece riesgonan cune

Publication: Thursday, 29 September 2016. Categoria: Politica

Dangui Oduber di MEP ta adverti

Reapertura di refineria por trece riesgonan cuneORANJESTAD (AAN): E ultimo 2 dianan aki tabata tin e debate politico den sala di parlamento pa trata e reapertura di e upgrader CITGO. Partido MEP semper a kere y semper a para pa un reapertura di refineria.

   Mi ta kere cu nos como miembornan di parlamento mester haci nos trabao manera mester ta y nos mester controla tur loke gobierno presenta y keda critico.

   No ta paso nos ta papiando di e reapertura esey kiermen cu nos mester accepta tur loke gobierno propone. Na final di dia ta logico cu nos pais mester un di 2 pilar economico, esey ta e realidad pero esey no kiermen nos mester sera wowo pa e realidad di e deal cu a worde sera.