Home Policial 14 Kilo di cocaina haya cu pasaheronan saliendo pa Hulanda

14 Kilo di cocaina haya cu pasaheronan saliendo pa Hulanda

7
0
SHARE
- Advertisement -

Douane ta sigui score na Airport:

ORANJESTAD    (AAN): Pa algun dia caba nos tin e informacion aki wanta pa asina autoridad por tin e espacio necesario pa haci nan investigacion. Sigur ora cu ta trata di droga saliendo for di Aruba, ta importante pa busca e fuente di e droga aki tambe.

   A gara tres adulto parce y hunto cu nan menornan di edad. E muchanan a wordo manda Casa Cuna pa eynan nan wordo cuida mientras cu e adultonan gara cu droga mester duna cuenta dilanti huez.

    Awor cu e vuelo pa Hulanda y saliendo for di Aruba pa London, ta baha y purba drenta Hulanda cu e droga. Durante control di dos hondengeleider di Douane den bagageruimte na Airport tur dos cacho anti droga a duna melding riba 4 maleta cu destino London riba e vuelo di Thompson Airways.

   A bai over na busca e pasahero cu a check in e maletanan pa un controle mas profundo. E maletanan aki a wordo ingechecked door di tres muher y un menor di edad.

   A bin constata cu e cuater maletanan tabata contene substancia blanco, parecido na cocaina. A haci testnan y a resulta cu ta trata di cocaina. Despues di a tuma e droga den beslag a haya confirmacion cu ta trata di 14 kg di cocaine.

    E personanan a wordo deteni. E vuelo aki tambe ta un target cu Douane ta traha riba dje riba e rednan criminal cu ta purba sali cu droga pa Europa. E tres muhernan ta Hulandes Europeo. Den casonan asina e sospechosonan ta wordo entrega na e Departamento di Droga di Cuerpo Policial. Nan ta sigui mas leu cu e investigacion.

- Advertisement -

DUNA COMENTARIO

Please enter your comment!
Please enter your name here