Home Politica Awor Gobierno awor ta gaña trece un supuesto Festival di Arte cu...

Awor Gobierno awor ta gaña trece un supuesto Festival di Arte cu pinturanan cu tin nada di haber cu herencia di e isla

0
0
SHARE
- Advertisement -

Rudy Richardson di MEP ta haya cu Gobienro a laga San Nicolas sangra muri

Awor Gobierno awor ta gaña trece un supuesto Festival di Arte cu pinturanan cu tin nada di haber cu herencia di e islaORANJESTAD (AAN): Mirando e ultimo hazañanan di GE II y e Minister di Turismo relaciona cu e supuesto Festival di Arte cu lo tuma lugar den e siguiente dianan mi no por keda sin duna mi opinion.

   E gobierno actual a laga San Nicolas sangra un morto natural desde 2009 te 2017. A laga comercio caba na nada, formacion di gang y bendemento di droga sin un maneho pa frena esaki.

   Prostitucion sin control y no a percura pa nada innovativo despues di a bay trip na Miami y New Orleans pa menciona algun di nan viahenan di placer cu a costa nos pueblo hopi placa.

Problemanan social cu nunca a haya atencion, hasta e Departamemto di Asuntonan Social a worde saca y manda Playa y awo pa campaña politico Minister Paul (Watsapp) Croes y Minister Mike (MEGADEBE) De Meza kier hinca Citgo desk den e ex edificio di DOOV cu por a worde uza pa hopi otro cos mas fructifero desde 2009.

   Un Biblioteca sin sala di estudio, sin airco anto un HAVO/VWO incompleto. E hendenan aki no por ta serio cu un Festival di Arte. Riba dje varios ciudadano ta reclama pa e trato discriminatorio di e festival. Pa loke ta creaccion di dos museo den 7 aña di tempo, cuanto cupo di trabao esaki lo trece pa nos pueblo? Awo riba dje ta bin cu hala di arte cu no tin nada di haber cu nos historia den e area aki di Aruba.

   San Nicolas desampara:

    Den campaña di 2013, segun Rudy, el a presenta e plan di Embeyecimento di Promenade  pa nos traha riba e parti aki di San Nicolas prome pasobra e tabata mas facil den infrastructura y despues lo sigui traha riba e resto di e parti urbano di San Nicolas.

   Awe nos tin hala di pintura cu no tin net nada di haber cu nos herencia. Tantisimo logronan San Nicolas tin riba tereno di comercio, arte, deporte, academico, cultural. Cuanto hende di varios generacion prome a worde involucra den e organizacion pa por duna e proyecto su balor cultural?

   No por paga BBO na Hulpbestuurkantoor segun MinPres Mike (KB 2014) Eman. Esaki ta un misterio. Tampoco por haya varios servicio gubernamental pero a endeuda nos pueblo cu MFA’s na Noord, Paradera y Savaneta lagando San Nicolas desampara den tur sentido. Hala di hende cu tey djis pa haci leuk pero no a cumpli cu e meta principal di duna esnan di e area aki nan balor agrega na e sociedad Arubano.

   Un plan social economico:

   E Minister di Turismo hasta kier reconoce un persona di Village cu ta conoci pa actonan ilegal. Otro muestra ora bo ta haci cos sin investiga debidamente. A cuminsa drecha Zeewijk beach despues cu esaki a worde ignora totalmente y e lama ta contamina.

   Un peliger pa nos pueblo drenta e beach bao di e circumstancia actual. E piscadornan nunca a haya e debido atencion y e cayanan den e area di Zeewijk ta uno di tercer mundo. E mesun fraccion di AVP cu a sostene e crimen contra San Nicolas pa 7 aña awo ta contento cu e reapertura di nos Refineria, despues cu nan a vota contra esaki na 2014 y 2015.

   Awo nan kier tin fiesta den un Carnaval Village incompleto pa 5 aña. Frena All-inclusive na Palm Beach pero ta regala un tal Leoncita mas di 50.000 m2 pa por construi hotelnan di All-inclusive na Sero Colorado sabiendo cu e Revenue per available room (RevPar) ta menos cu un hotel tradicional y cu esaki no ta duna nos hendenan tips, no ta uza taxi y no tin spinoff effect tampoco pa crece e media clase di San Nicolas. Nos ta rechasa e mentalidad cu partido AVP kier pa nos pueblo, esta uno di dependencia político y un bida marginal.

   Drentando campaña electoral di 2017 mi lo presenta un plan social economico pa caba cu e abusonan structural di Mike Eman y AVP. Nos di Movimiento Electoral di Pueblo lo lucha pa caba cu e segregacion economico cu ta bisto mas y mas e ultimo añanan. MEP a laga expansion di ImSan cla pa un hospital completo, SVb, Setar Teleshop, Arubus Bushalte y un joya di proyecto na Palisiaweg pa nos grandinan. Proyectonan cu ta pone e ser humano central y duna tur ciudadano oportunidad igual.

Mi ta termina cu e dicho di nos lider inmortal efm Betico Croes: “I would rather die on my feet, than to live on my knees.”

- Advertisement -

DUNA COMENTARIO

Please enter your comment!
Please enter your name here