Home Policial Ciudadanonan ta bogando pa atencion banda di T-Weg peligroso na Bubali

Ciudadanonan ta bogando pa atencion banda di T-Weg peligroso na Bubali

0
0
SHARE
- Advertisement -

ORANJESTAD    (AAN): Doño di cas Bubali 151 ta preocupa debi cu e no ta hayando e atencion necesario.  No ta djis pa su mes pero e ta pa e seguridad di pueblo. E situacion cu e ciudadano kier ta pa esnan encarga pone atencion na e scuridad cu tin na e T-weg cu ta hopi peligroso ora autonan ta biniendo di Caya Ritmo pa bay Noord.

   Esun  cu ta topa e T-weg (Caya Harmonia) unda basta accident a pasa. Eynan por lo menos cinco auto a drenta y ranca e palo y te hasta Hit and Run. E doño ta conta cu casi tur madruga y weekend ta scucha lastra nan di brake y nan ta kere cu atrobe auto lo a drenta nan cura y dal nan auto.

   Danki Dios cu nan a logra para. El a conta cu el a papia cu esnan encarga pa pone un lus pa ta visibel cu bo ta yegando un T-weg pero manera por a mira riba e foto cu a saca ora e accident a sosode madruga, por wak con scur ta debi cu no tin lus na e palo ainda.

   E doño di cas ta conta te cu nan a inverti pa un sticker di reflector cu nan a cumpra na Merca y special pa pone den ocasion asina pero e chauffeurnan no ta realisa y tog ta bay dal straight den e cura of e palo.

    E doño kier pone esnan encarga na altura di e situacion cu tin eynan pa asina nan actua y pone un lus na e palo of por bay mas leu di pone e famoso drempel cu por reduci e velocidad halto cu e autonan ta tuma ora nan coy e caminda di Caya Ritmo direccion Noord. Esaki ta esun unda ta topa e T-weg (Caya Harmonia).

- Advertisement -

DUNA COMENTARIO

Please enter your comment!
Please enter your name here