Home General “E inversionnan haci na San Nicolas ta inversionnan hopi importante”

“E inversionnan haci na San Nicolas ta inversionnan hopi importante”

0
0
SHARE
- Advertisement -

Dr. Keith Nurse:

ORANJESTAD  (AAN): Durante di e Happiness 360 Conference cu a tuma lugar na Renaissance Convention Center, DIARIO a logra entrevista Dr. Keith Nurse, Senior Research Fellow di Sir Arthur Lewis Institute of Social and Economic Studies.

E tema di su presentacion tabata ‘Con destinacionnan di Caribe por promove nan marca y nan propiedad intelectual atravez di e industrianan creativo’.

Segun Dr. Nurse, tin varios aspecto di turismo cu ta construi caba riba nos creatividad, nos cultura y nos identidad.

Locual nos tin cu hasi ta, cu nos tin cu ta mas strategico riba dje.

“ Mi ta di opinion cu varios pais den region di Caribe ta bayendo dilanti economicamente, door di tin strategianan creativo di turismo”.

Esaki segun Dr. Nurse, kende a duna e ehempel di Carnaval di Trinidad & Tobago, unda cu 10 pa 15% di e bishitantenan annual ta bin pa e Carnaval y ta contribui na 15% di e entrada di turismo.

“Probablemente e ta e festival mas grandi den e region, pa loke ta e impacto riba turismo”.

“Tin tambe e festivalnan mas chikito manera St. Lucia Jazz, cu ta genera masha hopi entrada y tin un impacto grandi”, segun Nurse.

El a sigui bisa tambe cu felicidad ta un blanco cu ta move constantemente.

Esaki debi na e hecho cu e gusto, spectativa y normanan di hende no ta keda igual.

“Mientras cu esakinan ta move, nos tambe tin cu move cu locual nos ta ofrece”.

Esaki segun Nurse, kende a sigui bisa cu semper tin cu sigui monitor e situacion pa determina kico ta e oferta corecto.

“Akinan na Aruba caba boso tin algun inversion hopi interesante”.

“Mi a bay San Nicolas y mi a wak e parada y e manera con e espacio a wordo regenera atravez di e industria creativo”.

“Esey ta inversionnan hopi importante”, segun Dr. Nurse.

- Advertisement -

DUNA COMENTARIO

Please enter your comment!
Please enter your name here