Home General Gobierno ta pidi pa pueblo ta vigilante

Gobierno ta pidi pa pueblo ta vigilante

2
0
SHARE
- Advertisement -

Gobierno ta pidi pa pueblo ta vigilanteORANJESTAD(AAN): Desde e caso di atraco fatal di Diamars, Cuerpo Policial ta trahando pa hopi ora largo y ta determina pa yega na un conclusion basta lihe.

   Toch ta keda haci apelacion na comunidad, cu si nan por mira of tende cualkier dos cu por duna un ayudo na solucion di e caso aki, ta spera cu por tuma contacto cu e tiplijn, pa asina nan por duna nan contribucion na solucion di e caso aki.

   Durante dia, ta sigur cu esnan cu ta ocupa cu e investigacion, lo duna e updatenan riba e caso.

   Cuerpo Policial ta analisando tur informacion cu tin awor aki y si acaso cu yega na e conclusion cu e grabacion aki lo por duna un contribucion na yega na mas informacion pa soluciona e caso, esaki lo wordo saca afo.

    Ceramento di auto:

   Gobierno a haya sa di algun persona den e dianan aki cu ta core banda di auto y ta purba di baha hende for di caminda pa atraca nan. Ta spera cu pueblo ta hopi vigilante den esaki, principalmente ora cu e hendenan aki ta haci esaki, pa mira si nan por informa cuerpo policial di biaha, principalmente kico ta e number y tipo di autonan cu ta envolvi, pa asina bay over basta lihe na detencion di e hendenan aki.

   Nan ta causando panico den nos comunidad. Banda di esey riesgo pa hende no solamente bisa cu kier atraca nan, pero por spanta hende den auto y pone hende bin den accidente cu consecuencianan grave.

   Mas lihe haya tip for di comunidad, mas lihe ta bay over na detencion di esnan cu ta envolvi den e fenomeno nobo cu a bin mira den nos comunidad awor aki.

- Advertisement -

DUNA COMENTARIO

Please enter your comment!
Please enter your name here