Home General Invitacion pa tur hende na Aruba bay planta un mata

Invitacion pa tur hende na Aruba bay planta un mata

4
0
SHARE
- Advertisement -

Evento di dia 21 di September

planta_mataORANJETSAD (AAN): Relaciona cu Dia Internacional di Paz y pa sostene nos medio ambiente, Gea Sougé ta invita tur hende pa planta un mata dia 21 di september venidero, Dia Internacional di Paz di Nacionnan Uni.

   Mundialmente ta planta hopi mata e dia aki. E aña aki nos como pais Aruba ta participa plantando un mata na Aruba Peace Labyrint na Alto Vista!

   Ta mi intencion cu hopi school, organizacion, club deportivo club di servicio, misa y habitante di bario participa y planta un mata pa sostene un futuro duradero y paz. Pa participa mi ta duna bo aki un instruccion facil:

   (*) Planta solamente mata indigeno cu ta tipico pa e clima di Aruba (manera  Wayaca y Watapana).

   (*) Selecta mata cultiva di simia localmente.

   (*) Cuminsa cu discusion tocante beneficio di planta mata.

   (*) Scoge un luga adecuado pa e mata y coba un buraco di antemano. Si mester di yudansa pa esaki por tuma contacto cu Departamento di Agricultura   Santa Rosa, of acerca otro experto di mata local.

   (*) Saca potret of traha video di e mata durante e ocasion aki y manda esaki pa DIARIO of otro media social.

   (*) Invita otro hende pa participa na e evento aki y comparti bo motibonan pa planta un mata a paz.

   Banda di paz cada mata cu nos planta ta percura pa naturalesa, frescura, oxigeno, spaarmanto di awa, salud, mas canto di parha y comunidad. Nos ta gusta di ta rond di un palo, pa disfruta hunto di su sombra fresco. Un mata ta un metafora bunita pa nos tur.

   Laga nos planta Trees4Peace den e luna aki di september y yena Aruba cu paz y hacie fresco!   Por haya mas detaye na Facebook: Trees4PeaceAruba

- Advertisement -

DUNA COMENTARIO

Please enter your comment!
Please enter your name here