Home Politica Minister Otmar Oduber mester reflexiona y pidi despensa na Conseho Consultivo di...

Minister Otmar Oduber mester reflexiona y pidi despensa na Conseho Consultivo di RvA!

0
0
SHARE
- Advertisement -

Lider di PDR mr. Andin Bikker:

ORANJESTAD (AAN)—“Minister Otmar Oduber no tin ningun derecho pa ataca e miembronan di Raad van Advies”. Expresando e palabranan aki e lider di fraccion di Partido Democracia Real, mr. Andin Bikker, a cuminza su conferencia semanal di prensa, diamars.

Su palabranan ta pa motibo cu durante e tratamento di e Ley di All Inclusive, e dignatario a ataca un di e miembronan di Raad van Advies y ora e institucion a reacciona y bisa cu nan no ta di acuerdo pa haci atakenan individual na miembronan di nan Conseho, pasobra nan ta duna consehonan obhetivo, e Minister a reacciona bisando cu no, cu el a cita un opinion di un e-mail.

“Nos ta haya cu esaki no ta hustificacion pasobra el a ataca e Organo Consultivo di RvA, y e no tin ningun base pa esaki. Na prome lugar, si nos wak e conseho di Raad van Advies, huridico y obhetivamente nan por yega na e conseho eynan. No tin ningun indicacion cu un of mas miembro tabata tin influencia individual riba e contenido di e advies aki. Pa di dos, ora cu e minister a bay over pa purba hustifica door di e hecho di a cita algo cu a sali den un e-mail, nos ta kere cu esaki ta crea un precedente hopi peligroso, pasobra como mandatario cu e institutonan conoci na Aruba ta integro y obhetivo, y como mandatario cu experiencia bo no por bay over na ataca un di e institutonan pasobra a duna un conseho cu no ta na bo agrado”, mr. Andin Bikker a subraya.

Esaki los cu e mester a uza e conseho aki, pasobra huridico y obhetivamente ta corecto y e ta bon. Asina mr. Bikker a remarca.

Segun e Parlamentario y lider di PDR, minister Otmar Oduber mester sinta un rato reflexiona y pidi despensa na e Conseho Consultivo di Raad van Advies pasobra asina nos no ta trata nos Institutonan Constitucionalmente.

“Di hecho nos ta haya cu sr. Oduber tin tendencianan dictatorial pasobra mas y mas nos ta ripara cu ora e haya consehonan cu no ta na su agrado, e ora ey e ta bay over pa ataca personalmente, institutonan of personanan di e institutonan y nos no ta aproba esaki pero ta bise pa y pidi su disculpa na e Conseho Consultivo”!

Parlamentario mr. Bikker a subraya cu e mandatario a falta respet di RvA y apesar di tin inmunidad ta elegante pa pidi despensa ora bo ataca un Instituto, ora el a bay over den un momento emocional y no hustifica cu ta opinion den un email.

Raad van Advies a señala via un comunicado di prensa, cu nan por compronde cu un hende por bira emocional, pero ora ta trata di un persona cu tin un trayectoria, e mester suppose cu e sa mihor y den e caso aki e mandatario mester sa mihor prome cu el a expresa su mes, y trece e Instituto den un luz menos agradable.

- Advertisement -

DUNA COMENTARIO

Please enter your comment!
Please enter your name here