Home Politica Negativismo di Mep a resalta durante reunion riba refineria

Negativismo di Mep a resalta durante reunion riba refineria

0
0
SHARE
- Advertisement -

ORANJESTAD   (AAN)  — Fraccion di Mep den parlamento a defrauda so durante reunion publico cu a trata e ley pa apertura di nos refineria. Nan a critica delaster un cos y kier duna nan mes partido e credito pa e logro aki. Cu tur e criticanan negativo y no al caso nos den parlamento a kere sigur cu Mep ta bay vota contra e ley aki.

   E lider di Mep manera cu rabia tabata critica e contractnan. Despues a compronde cu e ta hacie dolor pasobra no ta “bufete di papa” a cera e contractnan y cu e “bufete di papa aki a keda “buiten spel”. Net e lider di Mep aki kier bin critica e contractnan?? Net anan cu ta experto pa haci cosnan moralmente contra etica cu sacamento di clausula nan for di contract pa beneficia nan propio saco. Nan no por kere cu por tin gobernantenan drechi cu por negocia na bienestar di e pais aki sin cu tin cos pa nan saco. “Piensa el ladron que todos son de su condicion”.

     E negativismo di Mep a resalta durante e reunion pa tratamento di e ley pa reapertura di refineria. Un reunion cu positivismo lo mester a resalta pa nan banda mustrando felicidad pa cu pueblo.

    Contrario na e negativismo di Mep e otro banda di sala tabatin positivismo  cu a resalta y e felicidad tabata resplandece riba caranan di e parlamentarionan di fraccion di AVP. Fraccion di AVP ta traha pa bienestar di nos pueblo y pesey e felicidad riba nan cara sabiendo cu e reapertura di refineria lo nifica trabao pa nos hendenan, un spinoff effect grandi pa nos economia, un desaroyo grandi pa San Nicolaas y Aruba completo y cu sosten di fraccion di AVP pa e ley pa hacie reapertura posibel ta algo cu tur hende mester ta contento y positivo.

- Advertisement -

DUNA COMENTARIO

Please enter your comment!
Please enter your name here