Home Politica No tin espacio pa haci politikeria cu asunto di criminalidad

No tin espacio pa haci politikeria cu asunto di criminalidad

0
0
SHARE
- Advertisement -

Parlamentario Clarisca Velasquez

clarisca_velasquez_2ORANJESTAD (AAN): Nos tur ta preocupa kico a sosode na Aruba. Ta inacceptabel cu criminalidad a yega na e punto aki cu morto ta cai despues cu a usa un arma di candela na cas di un famia.

  Segun Clarisca Velasquez, el a mustra cu nan di AVP kier pa bin accionnan pa frena criminalidad den nos pais. Pesey tambe Fraccion di AVP a pidi un “bijeenkomst” relampago pa asina tur profesional den husticia e.o. Polis, kustwacht, douane, O.M den persona di Procureur Generaal bin parlamento splica kico ta haciendo pa preveni y combati criminalidad mas efectivo posibel. Si falta leynan cu parlamento por haci cambionan, si falta mas fondo pa asina por combati y preveni criminalidad, si falta mas instrumento cu por controla nos frontera mihor.

   Y pesey nos a pidi e “bijeenkomst” pa asina parlamento por haya informacion necesario pa por actua tambe pa aloca fondo pa husticia por actua. Nos ta lamenta cu fraccion Mep y PDR kier pa yama reunion publico pa entrega mocion di desconfianza contra minister di husticia.

Esey ta yuda pa stop criminalidad? No e no lo yuda pa stop criminalidad. Nos mester ta mas serio den nos trabao y busca solucionnan real si nos ta preocupa cu criminalidad y stop di haci politikeria cu asunto asina preocupante.

Aruba ta pasando den un inseguridad cu mester haci algo y nos tur mester pensa con nos por yuda. E tarea aki no ta solamente di polis y esnan cu ta traha den husticia pero di nos tur cu ta biba riba Aruba. Hopi local ta yuda hendenan cu ta bin di afo y esaki ta di lamenta paso hopi stranhero ta bin aki cu mal intencion. ;

Nos no por generalisa si pero nos mester ta cauteloso si ora cu nos ta contribui cu yuda hende di afo pa keda Aruba. Nos mester pensa riba Aruba na prome lugar y no nos interes personal. Nos tarea como Arubiano y tur esnan cu ta biba aki ta usa nos sentido civico ora di sali na vanguardia di seguridad di nos isla.

- Advertisement -

DUNA COMENTARIO

Please enter your comment!
Please enter your name here