Home Policial Polisnan a canta bingo garando sospechoso cu arma carga cla pa tira

Polisnan a canta bingo garando sospechoso cu arma carga cla pa tira

0
0
SHARE
- Advertisement -

ORANJESTAD    (AAN):   Diaranzon anochi Polisnan a bolbe score den e area di South Beach. Net patras di Hooters cu Benihana e haci un detencion y confisca un arma di candela carga pero tambe prepara cla pa tira. E patruya di trafico a mira un Hyundai coriendo den e area y sin number. Mesora a bay atende y baha e auto for di caminda. E auto a lora bay patras di Hooters cu Benihana.

    Eynan e Polis a baha pa asina papia cu e chauffeur. E tabata acompaña pa dos otro persona mas. Un homber y un dama. Ora cu Polis tabata bezig cu e chauffeur di e Hyundai a constata su movecion sospechoso.

   Na dado momento a pidie pa baha for di e auto pa un investigacion pa riguroso. Aki a bin topa cu un arma di candela full carga cu bala cayente y den un forma cla pa basha bala. E chauffeur a keda deteni mesora na e sitio. A pidi refuerzo tambe pasobra e otro dosnan cu tabata den auto a move for di e sitio. Riba un distancia poco mas leu patras di 297 a pone man riba ambos. Nan tambe a wordo hiba warda di Shaba.

    Mester felicita e Polisnan atento den e Departamento di Trafico cu a haci un tremendo trabou y kita un otro arma for di caminda. E motibo cu ta core cu un auto sin plachi number y tambe arma ta duna indicacion cu e intencionnan no ta asina bon. A mira cu e agentenan a confisca un boormachine tambe.

- Advertisement -

DUNA COMENTARIO

Please enter your comment!
Please enter your name here