Prome Minister Whiteman: Te awor Eleccion ta sigui na Corsow

Publication: Thursday, 29 September 2016. Categoria: General

ORANJESTAD  (AAN): Eleccion na Corsow te na e momentonan aki ta sigui, Gobierno di Corsow lo sigui monitoria di cerca tur movecion di e ciclon tropical Matthew. En caso cu e condicionnan meteorologico empeora pa 6or di diabierna mainta lo por dicidi pa pospone eleccion tabata e palabranan di Prome Minister Ben Whiteman. Manera e situacion ta actualmente no tin mester di pospone eleccion di diabierna ainda.

    Den un rueda di prensa extraordinario for di Forti na Willemstad, Director di Meteo Corsow a splica cu a mira cu e trayecto di e ciclon tropical a bay poco mas pa zuid y modelonan meteorologico tambe ta indica esaki. Debi e desaroyo aki pa 5or di diaranson atardi a pone Corsow bou un “Tropical Storm Watch”.

   Ta pronostica pa diahuebs anochi 9or e lo ta 184km panort di Corsow, diasabra mainta Matthew lo bira un Horcan Categoria 1.

    Curacao Ports Authority (CPA) a cuminsa haci preparacionnan pa hala e boortorennan mas den awanan profundo, lo torno Emmabrug tambe.

    Minister Whiteman a pidi pa pueblo di Corsow keda trankilo ya cu no tin necesidad di panico. “Mihor nos prepara pornada cu haya impactonan cu lo lamenta despues”.

Leave a Reply