Home Politica Reapertura di refineria por trece riesgonan cune

Reapertura di refineria por trece riesgonan cune

0
0
SHARE
- Advertisement -

Dangui Oduber di MEP ta adverti

Reapertura di refineria por trece riesgonan cuneORANJESTAD (AAN): E ultimo 2 dianan aki tabata tin e debate politico den sala di parlamento pa trata e reapertura di e upgrader CITGO. Partido MEP semper a kere y semper a para pa un reapertura di refineria.

   Mi ta kere cu nos como miembornan di parlamento mester haci nos trabao manera mester ta y nos mester controla tur loke gobierno presenta y keda critico.

   No ta paso nos ta papiando di e reapertura esey kiermen cu nos mester accepta tur loke gobierno propone. Na final di dia ta logico cu nos pais mester un di 2 pilar economico, esey ta e realidad pero esey no kiermen nos mester sera wowo pa e realidad di e deal cu a worde sera.

Un deal cu por tin consequencianan serio pa nos pais si cos bay robez. Un acuerdo caminda pais Aruba lo para garantia pa 540 miyon Florin. Esaki ta pone cu nos criaturanan ta worde usa como borg pa e reapertura aki.

   Den e caso aki nos no mester bay ciegamente tras di loke gobierno a negocia pa nos pueblo. A ser demostra vez tras di vez cu nada loke e gobierno aki trece dilanti nos no por kere sin mas.

   Mira con nos como miembronan di parlamento a worde trata pa loke ta e acuerdonan cu gobierno a sera cu Citgo y Valero. Nos a worde nenga pa haya documentonan relevante y mester a bin sinta manera un mucha chikito cu supervision pa por lesa e acuerdonan mientras den e acuerdo mes tabata poni hopi cla cu Parlamento di Aruba mester haya e acuerdonan aki.

   Oduber a djis ilustra e diferencia di mentalidad y transparencia entre tempo a negocia e contract y acuerdo pa habri e refineria na aña 1990 y awor na aña 2016. Envez cu nos a bira mas transparente bo ta mira cu e transparencia no ta existi mas y nos ta bayendo den direccion y rumbo dictadura moderno.

Na aña 1990 gobierno e tempo ey a bin parlamento cu tur e acuerdonan parlamento promer cu a yama reunion publico pa debati y vota riba esakinan.

Awe na aña 2016 Parlamento di Aruba NO a mira ningun acuerdo te cu diahuebs ultimo, parlamento di Aruba a worde nenga pa haya tur documento pa un ley cu ta worde trata awe. Pero esaki ta e diferencia entre hende drechi y responsabel cu no tin nada di sconde y hendenan irresponsabel cu tin miedo pa comparti informacion cu pueblo pa no crea duda den loke nan ta haci. Mi no por compronde con un gobierno kier sconde informacionnan asina valioso cu tin consequencia pa henter nos pais y tur nos ciudanonan di e manera aki.

Den pasado pa ta exacto 29 januari 1988 Henny Eman y AVP a firma pa desmantela e refineria por completo. Den e contract ey Aruba a tuma tur cos as is where is

Apesar cu nos ta critico y sceptico nos ta pensa semper riba e progreso di nos pais, nos ta pensa riba interes y biniestar general di nos pais, nos ta pensa riba e cuponan di trabao cu lo bin y e contribucion na nos economia y ta pesey nos a sostene e ley pa reapertura du e upgrader CITGO.  MEP semper a para pa un refineria y nos a demostra esey den pasado y a bolbe demostra esey ayera den parlamento. Nos voto tabata un voto pa Aruba.

Nos ta y loke keda sceptico y critico rjba esaki. Loke ta pisa mas den e balansa cu mester a haci ta e hecho cu un refineria ta crea empleo y ta contribui na economia di nos pais. Un cos ta sigur, Nos no por kere loke gobierno ta bisa pasobra nos ta wak loke nan ta haci y tur dia nan ta gaña nos. awe nos tin un pais na werki, un pais cu un debe di 4 biyon Florin, un pais yena cu pobreza, yena cu problemanan social cu a conduci na un criminalidad for di man.

- Advertisement -

DUNA COMENTARIO

Please enter your comment!
Please enter your name here