Home Evenemento RIU Palace Aruba y RIU Palace Antillas a celebra cu nan...

RIU Palace Aruba y RIU Palace Antillas a celebra cu nan empleadonan durante Siman di Housekeeping

19
0
SHARE
- Advertisement -

ORANJESTAD    (AAN) – Riu Palace Aruba y Riu Palace Antillas, conoci pa nan compromiso na crea miho ekiponan y reconocemento di nan empleadonan, a celebra un di e resort su departamentonan principal cu e introduccion di Siman di Housekeeping. Cuminsando riba 11 di September y siguiendo te cu 17 di September, e empleadonan di housekeeping a wordo reconoci pa nan compromiso fiel y servicio na e hotel cu un variedad di actividadnan. Den transcurso di e siman, e resortnan a coordina varios actividad pa honra nan ekipo stima di housekeeping.

    Actividadnan a varia di bingo pa milkshakes, pero e parti mas excitante di e siman tabata un les di Zumba banda di e piscina cu a conta cu e participacion di tanto e empleadonan di housekeeping como e huespednan. Despues, premionan di empleado a wordo otorga pa reconoce e trabou duro y dedicacion di cada empleado na ambos resort. Santa Roa a wordo premia cu ‘Empleado cu e Cantidad Mas Hopi di Aña Trahando pa RIU Hotels & Resorts.’ Martina Hernandez a gana ‘Miho Supervisor,’ mientras cu Ruth Sosa y Isabel Rodriguez a gana e premio di ‘Miho Empleado.’ Pa loke ta e parti di housekeeping, Minerva Rodriguez a wordo premia cu “Miho Room Attendant di Housekeeping” y Liliana Fernandez a wordo pronuncia como e “Reina di Housekeeping.” Despues di un siman largo di evento y actividad, huespednan y empleadonan di e hotel a sera e siman cu un barbecue special riba e playa.

   “Nos ta mas cu agradecido pa nos ekipo di housekeeping na ambos resort na Aruba,” Juan Blanco, Gerente General di Riu Palace Antillas a bisa. “Dedicando un siman na honor di e trabou cu nan ta haci henter aña y lagando nan sinti nan mes special ta un manera pa mustra nos aprecio y gratitud pa tur nan trabou duro y dedicacion na RIU Hotels & Resorts. Nos ta hopi agradecido.”

- Advertisement -

DUNA COMENTARIO

Please enter your comment!
Please enter your name here