Home General Tropical Storm Watch pa Aruba

Tropical Storm Watch pa Aruba

3
0
SHARE
- Advertisement -

Matthew_WED_5pm_ORANJESTAD (AAN): Aruba a wordo poni oficialmente cu advertencia di Tropical Storm Watch, door di Gobierno di Aruba.  Un “Tropical Storm Warning” ta wordo emiti ora cu biento sosteni di 62 te cu 117 km/h of mas, asocia cu un ciclon tropical, ta ser spera di pasa den 36 ora of menos.

   E biento aki por ta acompaña pa yobida pisa, inundacion, resake, y destruccion.

    Diaranzon atardi 5:00 pm, e posicion nobo di Tormenta Tropical Matthew ta na 13.8º Nort y 62.0º West.  Esaki ta 110 kilometer pabao di St. Lucia.  Esaki ta igual cu 830 kilometer pariba di Aruba.

   Bientonan sosteni rond di e centro ta di 96 km/h, y e tormenta ta moviendo direccion West cu 30 km/h.

   Tin un aviso pa boto chikito lo drenta na vigor Diaranzon atardi 6:00 pm.  Labaderanan for di Oost-Noordoost lo haci lama relativamente bruto y ta pidi doñonan di boto chikito pa tene esaki na cuenta.

   Aire humedo y instabil lo pone nubianan desaroya riba Aruba den siguiente 24 oranan.  Esaki lo aumenta segun Tormenta Tropical Matthew acerca e region.  E probabilidadnan di awacero riba Aruba lo bira mas grandi cu tambe posibilidad di lamper cu strena.

   Olanan di laman lo ta for di Pariba cu haltura di 5 te 9 pia den labaderanan for di Oost y Noordoost.  Den curso di Diahuebs, lama lo bira gradualmente mas bruto cu olanan di 8 pa 12 pia, segun Matthew acerca region local.

   Tormenta Matthew lo bira mas fuerte?  E posibilidad ta grandi cu DESPUES cu e pasa Aruba, esta Diabierna pa Diasabra, e ora e lo por tin chens di bira un Horcan Categoria 1.

   Na Curacao mientras tanto a habri Shelter caba, y a notifica pueblo unda precisamente nan por bay si acaso nan cas no ta safe, of no tin lugar.  Na Aruba te cu 5:30 pm, nada di esaki a wordo anuncia.  Segun e experto local Bibi Arends, e no ta di acuerdo cu habri shelter di trempan.  Pasobra bo lo por haya hende cu “no” necesariamente tin mester di shelter, ta bay eyden.  E shelter mester tey despues di e tragedia, pa yuda esnan cu di berdad tin mester di dje.

   Ki ora maltempo lo yega awe na Aruba?  Kizas di atardi caba tempo lo cuminza deteriora.  E lo sigui asina y bira mas peor riba Diabierna madruga, y sigui asina te mainta.

   Tabatin preocupacion di algun hende, cu e trabao di cobamento cu tin den Wilhelminastraat, pasobra ora e rooi di awa bin for di Columbusstraat bin zuid, ta tur cos e ta hiba rumbo Lagoen.

   Tambe DIARIO a tende preocupacion di algun experto, encuanto e “brug nobo” mitar-arma na Balashi.  Biento por bente abao, pasobra e no ta stabiliza.  Aworaki e ta den su etapa mas debil.

- Advertisement -

DUNA COMENTARIO

Please enter your comment!
Please enter your name here