Home Policial Contrabanda di bestianan exotico ta un preocupacion pa Veterinaire Dienst

Contrabanda di bestianan exotico ta un preocupacion pa Veterinaire Dienst

6
0
SHARE
- Advertisement -

Polis y kustwacht ta gara boto di Aruba riba lama:

ORANJESTAD(AAN): E accion di Polis y Guardacosta riba lama, a produci un botin cu normalmente no sa topa cune riba lama den contrabando.  Ta trata di animalnan exotico.

Irene Croes di Veterinaire Dienst a indica cu nan a cuminza traha mesora pa asina atende e asunto, y kico lo haci cu e animalnan exotico aki.

Croes a conta cu Diadomingo el a worde yama cu un boto a worde intercepta. E boto local a sali for di Aruba, haciendo algo ilegal, pues sin klaar-uit y ora el a drenta back, Guarda nos Costa a intercepte y a ripara cu tabata tin yen di bestia exotico riba dje.

Despues a haya e mesun tipo di melding, for di Douane y tambe di Maritiem Politie y a confirma cu berdad tin hopi bestia exotico.

Despues di basta rato, Douane a logra contact back cu Veterinaire Dienst y splica cu ta bay haci un inventario kico nan ta y Veterinaire Dienst mester confisca nan e ora ey. Awor aki ta den espera di e decision di Ministerio Publico kico pa haci cu e bestianan aki, considerando e importacion di cacho, cual tabata basta, ta prohibi pa ley.

E bestianan exotico, mayoria ta protehi mundialmente, violando esaki basta pisa. No solamente importacion ilegal, pero tambe bao di ordenansa di proteccion di naturalesa.

Croes a sigui splica cu tin 4 lora, pero tambe a bin 9 toucan chikito, hinca den un saco di bacoba, a bin un toucan grandi, un Ocelot (un tipo di pushi brabo basta grandi). Tambe a bin 7 cacho, dos macaco y seis morcoy.

Croes a splica cu tristo ta cu ta prome biaha e hendenan aki a worde intercepta. Dus ta mas biana esaki ta sosode y ta prome biaha nan a worde gara. Aruba ta hopi cerca di Venezuela. E chens ta hopi grandi cu cosnan ta worde treci ilegalmente. Pa Croes, den e añanan cu e ta trahando, ta prome biaha el a experencia e tipo di cosnan aki.

Den pasado, ora cu hendenan ta worde intercepta, nan ta hoga lora, segun Croes ta conta.

Tur e bestianan cu ta protehi mundialmente, por drenta, pero mester tin un permiso special, duna door di instancianan oficial na Venezuela y e permiso pa por drenta, tambe mester worde duna aki na Aruba. Cacho no por drenta di Venezuela. Solamente si ta parti di mudansa, ley por haci un excepcion pa e famia cu ta muda cu su cacho. Pero e cachonan haya ayera nochi, no mag di drenta. Bestianan exotico ta dificil pa trece na Aruba. Mester tin un dierentuin pa por percura pa nan. Mester por ofrece e habitat cu nan ta custuma cune.

Den e mesun rosea, Croes a splica cu door cu e ley ta asina hinca den otro, no ta kere cu pa e cachonan lo tin scapatorio for di un hangua letal. Pero tur e decision ta den man di Ministerio Publico. Lo por purba conseha Ministerio Publico, pa e bestianan protehi, pa no dicidi pone nan drumi, e ora mester di un opvang pa nan sigur.

Tin basta bestia exotico y tin cu haya candidatonan adecuado pa nan. Si no, e ora lamentablemente kisas nan tambe mester haya un hangua letal. E bestianan a bin hopi flaco, hopi seco. Na Veterinaire Dienst nan lo bay duna nan awa y mester bay wak for di unda ta haya tiki placa pa duna nan di come tambe.

Si scapa nan, ta super urgente pa haya un luga pa nan. Na Veterinaire Dienst, no ta adecuado pa mantene tanto bestia diferente den un solo luga. Si haya decision di Ministerio Publico kico lo sosode cu e bestianan aki, si en caso cu haya pa opvang, mester ta hendenan serio cu por brinda e espacio necesario y tambe e cuido pa e bestianan aki.

E bestianan a bin hopi preta riba otro. Aunke cu e cachonan a bin los. Dimes cu e bestianan tin mester di nan espacio, pasobra no ta manera.

Mensahe cu Veterinaire Dienst, ta cu contrabanda ta hopi malo. Bo kier un bestia exotico, purba hay’e na e manera legal. E ta dificil, pero e no ta completamente imposibel. Cana bo caminda corecto pa evita cu e pober bestianan aki haya un hangua letal.

 

- Advertisement -

DUNA COMENTARIO

Please enter your comment!
Please enter your name here