Home Policial Cu forza bruto a basha trali di hero abao.

Cu forza bruto a basha trali di hero abao.

2
0
SHARE
- Advertisement -

ORANJESTAD.(AAN); Diahuebs mainta trempan central di polis a dirigi patruyanan K9 -3 y K9-7 direccion Pos Chikito relaciona cu kiebro. Den un fraccion e dos unidadnan di cacho a presenta na e adres y polis a atende e señora di inicial K. cu a declara cu  anochi den careda di nueb’or el a laga tur bentana y porta di edificio cera y laga intacto atras.

Mainta ora denunciante a presenta pa mas o menos 8:30 or el a descubri cu desconocinan a forza bentana patras na banda robez di e edificio. E ladron(nan) lo a pusha e hero di trali, cu ta paden, benta abao pa por a drenta e edificio.

E intruso(nan) lo a listra den oficina. Señora K. na e momento ey no tabata sa exacto kico e ladron (nan) a bay cune debi cu ta otro persona ta traha den e oficinanan en cuestion.

Si acaso falta cualkier articulo nan lo tuma contacto cu polis.

Recherche tecnico a wordo solicita pa investiga pa posible evidencia (finger print) laga atras. E intrusonan lo a haci uso di bara di hero den forma di un “T”. pa asina a forza e bentana, debi cu nan a laga e obheto atras pafo. Polis a confisca e hero di forma di  “T” como evidencia pa mas investigacion. Keho ta entrega y e unidadnan a continua cu nan patruya.

- Advertisement -

DUNA COMENTARIO

Please enter your comment!
Please enter your name here