Home Policial Dos ruman deteni despues di bringamento y hincamento pafo di Molen

Dos ruman deteni despues di bringamento y hincamento pafo di Molen

0
0
SHARE
- Advertisement -

ORANJESTAD(AAN):—Dos ruman homber di fam St J di Boroncana a keda deteni pafo di Molen diadomingo marduga pasa di 5or. Polisnan tabata vigilando e area ey casi den oranan di mainta y diripiente a cuminsa un pelea den cual e dos ruman conoci di husticia tabata envolvi.

Den e proceso nan a hinca un otro bishitante. Polisnan a bay den accion mesora y a core tras di e dos rumannan. Hasta mester a drenta awa di Bubali Plas pa asina actua contra e dos rumannan. A confisca un cuchio tambe cual a wordo usa den e hincamento.

Un muher mama di tres yiu a bin hinca boca y ofende Polis masha mahos. Na dado momento su ofensanan baho a pone cu e mama di tres yiu riba paranda casi mainta a keda deteni.

Na caminda segun el a expresa di no a comete nada robez. Parce cu tur su ofensanan publico y baho contra autoridad ta algo masha normal. E dos rumannan deteni y e muher cu a stroba y falta respet pa Polis a wordo hinca hunto den e dog catcher y asina nan a trece nan warda pendiente investigacion.

- Advertisement -

DUNA COMENTARIO

Please enter your comment!
Please enter your name here