Presidente di Parlamento:
ORANJESTAD(AAN)– Presidente di Parlamento, drs. Mervin Wyatt-Ras y su esposo, tabata presente na e evento organisa dor di Camara di Comercio titula:
“Ctrl-Alt-Delete: Challenge today’s Cyber Security thinking” cu a enfoca ariba con pa detecta y evita atakenan cibernetico den sistema di negoshi.
Segun preisdent di Parlamento, despues di un discurso di e presidente di Camera di Comercio, sra. Daphne Agius Cesareo Lejuez, a sigui e prsentacion di sr. Rickey Gevers cu ta chief intelligence Officer den e departamento di e compania hulandes RedSocks.
Sr. Gevers a uda den diferente caso di di crimen cibernetico internacional. El a duna un demostracion di con vulnerable nos sistema ta pa otro por drenta den nan. Un hacker por drenta cierto sistema facil paso e ta hacie via di e link vulnerable den e sistema.
Den hopi caso ta e mesun CEO di e compania. Un compania por ta full seguro pero di e CEO no ta uza e mesun sistema via di dje un hacker por drenta full un sistema cu ta paga asina tanto pa proteha. El a duna ehempel di diferente departamento y instancia cu por drenta facil den nan sistema.
Especialmente companianan petrolero ta un target di hackers. Un tip importante ta pa update e computer continuamente y pues ta pro-activo. Wyatt-Ras a haya e informacion hopi valioso y ta felicita Camara di Comercio cu e evento importante aki.
