Home General Grupo piloto lo reintroduci sistema di Hyper Baric Chamber na HOH

Grupo piloto lo reintroduci sistema di Hyper Baric Chamber na HOH

2
0
SHARE
- Advertisement -

Bao insistencia di PDR:

ORANJESTAD (AAN): Den conferencia semanal di prensa di fraccion di Partido Democracia Real (PDR), su lider mr. Andin Bikker, a mustra su satisfaccion, pasobra un iniciativa PDR lo bira realidad.

Parlamentario mr. Bikker a señala cu PDR tin hopi tempo ta insistiendo pa reintroduccion di un Hyper Baric Chamber, of camber di presion, bay bira realidad.

Diamars mainta, e mester a bay na un presentacion na Hospital dr. Horacio Oduber, unda un grupo piloto cu ta bezig pa reintroduci e sistema aki a haci esaki.

“Laba mi splica un biaha mas mas kico e camber di presion aki ta. Esaki ta pa ora tin hende cu ta practica scuba diving, cual ta wordo practica pa un mayoria di nos turistanan, y e ta bin subi den superficie demasiado lihe y por haya un problema medico, e ora ey pa decompresa y por haya tratamento, nan ta wordo hinca den e camber aki anto nan ta haci un decompression pa nan por cura di e malesa aki”, mr. Bikker a indica.

Los di esey, mr. Bikker a sigui bisa, tin varios tratamento terapeutico tambe cu e aparato aki por yuda, por ehemplo, heridanan di naturaleza diabetico cura mas lihe, y asina scapa di amputacion di un pida, un dede of un braza.

E lider di PDR a menciona cu esaki ta tres dos beneficio. Di un banda e ta trece beneficio pa nos turismo pasobra si un turista ta haya su mes den problema di decompression tin e sistema pa yude.

“Nos tabata tin e sistema aki un par di aña pasa caba y aworaki lo reintroducie, y di otro banda esnan cu tin problema di nan salud cu terapeuticamente e camber aki por yuda tambe ta beneficioso pa casonan di salubridad. Nos por recorda e temponan aya no mucho tempo pasa dr. Ike Posner tabata tin un clinica, segun mi, di e aparatonan aki y lamentablemente pa un mal entendimento cu AZV no a na un entendimento pa por a percura cubri e gastonan. Naturalmente e tempo ey nos a protesta y nos a pidi gobierno pa haci algo, pero lamentablemente mester a cera e clinica. Desde eynan dia 12 di October 2014 pa ta mas exacto nos a haci preguntanan y duna sugerencia na minister encarga cu salubridad, pa por yega na un reapertura di un facilidad asina y nos ta contento di tende cu e esfuerzonan den direccion akinan ta bayendo riba bon caminda y nos ta spera cu awe mainta nos ta haya notificacion cu esey ta bira realidad den un tempo corto” Parlamentario mr. Andin Bikker a subraya.

- Advertisement -

DUNA COMENTARIO

Please enter your comment!
Please enter your name here