Home General Habitantenan de Heidestraat ta pidi auxilio y ta pidi pa accion

Habitantenan de Heidestraat ta pidi auxilio y ta pidi pa accion

0
0
SHARE
- Advertisement -

ORANJESTAD.(AAN); Habitantenan den Heidestraat a pidi auxilio debi cu nan no tin sosego. Cada dia pasa nan ta biba den tension, tiramento, bringamento. Tin un gang ta circula constantemente den e caya ta busca problema hasta nan ta buscando aparentemente un tal Cabez di Clabo pa regla cuenta cune.

Ki dushi tabata tempo cu FCCA a construi e casnan di famia di Noord. E habitente e tempo ey tabata asina contento pero atravez di añanan famianan a cuminsa biba den tension. FCCA no ta percura pa tuma medida apropia y pone ordo pa busca manera con pa actua contra esnan cu ta causa problema den e bario completo.

Mayoria, no tin problema cu otro, ta un grupo chikito ta causa intrankilidad, si no ta den dia ta anochi. Kico ta warda? Pa bala desvia mata hende inocente?

Momento a yega pa actua  ya cu e situacion no por sigui asina. Nan no por drumi trankil, ki ora cu ta, tin patruya di polis, luz blauw ta dal hasta den camber, bo ta spierta y ta puntra bo mes, ta kico a pasa atrobe. Ta ken a tira atrobe, ta ken nan ta buscando atrobe, ta ken su cas bala a perfora?

“Bo tin miedo di bay pafo.  Ya ta basta! Actua prome cu ta laat, ta suplica di  habitantenan den Heide straat, nan ta roga instancianan concerni pa cuminsa actua pa caba y sana e bario .

- Advertisement -

DUNA COMENTARIO

Please enter your comment!
Please enter your name here