Home General Hulanda mester duna nos derecho pa vota pa Tweede Kamer of e...

Hulanda mester duna nos derecho pa vota pa Tweede Kamer of e Geschillenregeling

2
0
SHARE
- Advertisement -

Andin Bikker:

ORANJESTAD (AAN) – Parlamentario mr. Andin Bikker, lider di fraccion di Partido Democracia Real, a menciona den conferencia semanal di prensa, cu despues di un analisis huridico PDR a yega na e conclusion tin cu Hulanda mester duna sea e habitantenan di e paisnan den Reino Hulandes:

Aruba, Curacao, Sint Maarten y Islanan Bonaire, Saba y Sint Eustatius e derecho di voto pa eleccion di Tweede Kamer, of introduci mas pronto posible e geschillenregeling cu Parlamento ta papiando añanan riba dje y cu for di 1993 tin un protocol pe pero cu te dia awe no ta mire.

Recientemente atrobe a surgi diferencia di opinion entre gobierno di Aruba y Reino Hulandes, y na aña 2007 señor Eman mes a hiba dos caso di prueba uno unda e ta bisa cu Aruba mester haya derecho di voto pa Parlamento Europeo pasobra decisionnan di Parlamento Europeo indirectamente ta werk door den nos leynan. Na di dos ta cu Tweede Kamer tambe ta influencia decisionnan na Aruba. Un di nan el a perde pasobra Hulanda a bisa cu Aruba por manda delegado of representante, por duna comentario riba conceptonan di ley di Reino, etc., pa ta representa indirectamente.

“E ultimo añanan aki loke nos a constata ta, cu Tweede Kamer no ta e poder legislativo pa loke ta trata Aruba. Ta Rijksministerraad ta e poder legislativo, pasobra ta Rijksministerraad cada bez ta duna instruccion na Gobernador, por ehemplo pa no firma presupuesto 2014. Constantemente Aruba, Curacao y Sint Maarten ta wordo confronta cu besluit cu no ta pasa den Tweede kamer.

Andin Bikker a bisa cu si no ta bin un Geschillenregeling anto Hulanda mester duna nos e derecho di voto pa Tweede Kamer pasobra e ta unico manera cu nos por influencia e Rijksministerraad cu a su bez ta constitui di ministernan Hulandes. Anto esey ta e diferencia di e desaroyo nobo desde e caso di 2007, cu awor akinan cu nos ta casi diez aña mas leu cu nos ta confronta constantemente cu diferencianan cu paisnan di Reino, pero: a) nos no tin derecho di voto riba tweede kamer y b) nos no tin geschillenregeling tampoco.

“Pesey nos ta bisa cu gobierno di Hulanda no por keda nenga mas di introduci e geschillenregeling mas pronto posible pasobra si no e mester duna nos e ora, e derecho di voto. Pesey mester pone atencion na e tema aki constantemente pa logre pa caba”, lider di PDR mr. Andin Bikker a expresa.

- Advertisement -

DUNA COMENTARIO

Please enter your comment!
Please enter your name here