Parlamentario Clarisca Velasquez
ORANJESTAD (AAN) — Hendenan di mala fe e hendenan di MEP ta. Awor cu presidente di parlamento a pone documentonan riba e contractnan cu Valero y CITGO un siman prome cu e reunion publico pa parlamento por studia y prepara nan ta critica. E hendenan aki di MEP no por ta stima e pais aki y nan kier stroba cos y pesey nan ta haci tanto desordo.
Loke presidente di parlamento a haci di pone documentonan siman prome reunion pa parlamentarionan por studia ta historia. Nunca antes esaki a sosode. Mep ta buscando tur excusa pa stroba e reunion publico riba e refineria. Y esaki pueblo mester sa con di mala fe e hendenan aki ta. Awor hasta gobernador nan a bay pa haci fanfaria.
Aruba mester ta cauteloso cu confidencialidad di documentonan. No por permiti cu documentonan asina confidencial ta riba caya pasobra ta nos pais ta hay’e cu problema legal grandi. Y no por confia MEP cu documentonan asina confidencial den nan man pasobra ya a yega di gara nan ta saca potret di documentonan y hasta siman pasa den reunion publico a gara e lider di MEP cu documentonan cu mester ta ” ter inzage” den su man y el a bay sinta cu nan na su stoel.
Loke e gobierno di Aruba a logra pa pueblo di Aruba ta algo hopi grandi y esaki ta haci dolor pasobra no ta nan a logr’e y pesey nan kier stroba e tratamento di e reunion riba e refineria. Henter pueblo di Aruba ta contento pa e logro grandi aki y fraccion di AVP si ta haci uso pa por studia e documentonan riba e refineria y si ta haci tur cos pa e refineria por habri mas pronto posibel pa asina nos hendenan por haya trabao.
