Minister Arthur Dowers ta sorprendi…
ORANJESTAD(AAN): Minister Arthur Dowers durante un entrevista a splica claramente, cu e proceso ta simple! Ora cu autoridad haya informacion unda tin hende ilegal ta traha, nan ta bay pa nan tambe cu Warda Nos Costa!
Pero cada biaha ta tende hende reclama, cu pueblo no ta tende di e accionnan aki.
Segun Ministro, esaki no ta nada nobo. Mientrastanto segun e mandatario publicidad nan no ta duna na e tipo di trabaonan aki. Eyfo MEP ta bisa y gañando pueblo cu no tin Warda Nos Costa.
Minister Dowers a splica durante entrevista cu nan a mustra hopi cla cu tempo di partido MEP bou presion di Hulanda pa cambia Warda Nos Costa bou di Marechaussee.
A tende hasta Rene Bernabela di sindicato TOPA, cu a bin manifesta den nomber di partido MEP, pa cambia Warda Nos Costa bou di Marechaussee. Ya caba gobierno a incorpora Warda Nos Costa Bou di Cuerpo Policial y nan ta gara hende tur dia. E diferencia ta cu nan no ta haci masha propaganda manera tempo di MEP segun minister di husticia. Pa falta di instrumento legal ta causa cu unico lugar cu ta detene hende ta na pia di trabao trahando ilegalmente. E minister a saca un conclusion tambe riba cierto dunador di trabao cu tambe a bin protesta algun dia pasa pro seguridad.
E comerciantenan ta pidi pa Cero Tolerancia y cerca husticia semper tabata tin Cero Tolerancia pasobra nan no ta tolera ningun ilegalidad. E mandatario a splica tambe cu loke nan ta bay haci ta basa riba peticion di e comerciantenan mes pa controla mas riba e trahadornan ilegal den comercio cu no ta cumpli cu ley. E parti grandi di wantamento di ilegal na Aruba ta practicamento sosteni door di Comercio. Pesey mes minister Dowers ta contento di por haya comercio tambe na su banda y nan ta kere cu e asunto ey mester stop. Pronto lo cuminsa cu e accionnan penal contra esnan cu ta facilita trabao den forma ilegal na pais Aruba. E por bay asina leu unda hasta hendenan den comercio tambe por worde deteni y mester duna cuenta na huez basa riba loke nan ta haciendo contra ley.
