Home Hudicial Mucha di 17 aña a worde hiba Corte sin come

Mucha di 17 aña a worde hiba Corte sin come

3
0
SHARE
- Advertisement -

El a pidi Hues pa mand’e KIA pasobra e tin hamber

Mucha di 17 aña a worde hiba Corte sin comeORANJESTAD (AAN): Tabata increibel pa scucha un mucha (17) ta pidi Hues pa mand’e KIA pasobra e no kier keda mas na warda di Polis. Ora a puntra kico tabata e motibo, ta resulta cu e mucha a worde hiba Corte for di warda di Polis, sin a haya cuminda.

    FISCAL KIER A PONE CASTIGO:

    E mucha C. di 17 aña, a presenta den Corte y Fiscal a bisa cu e kier exigi pa ehecusion di tres castigo condicional cu tin colga riba C. su cabez. Door cu el a haci delito durante su tempo di prueba, Fiscal kier ehecuta e castigonan condicional.

    CASO POSPONE:

    Ta asina cu door cu e mucha ta menor di edad, segun ley, su mayornan mester worde yama pa ta presente den Corte ora di trata e caso. Hues a puntra Fiscal si a invita e mayornan pa ta presente den Corte.

   Fiscal a bisa Hues cu actualmente C. ta sera na warda di Polis pa un otro caso y no a invita su mayornan pa ta presente den Corte.

   Hues a bisa cu si ta asina, no por atende e caso. Hues a puntra Fiscal si su intension ta pa trata e caso aki hunto cu e caso pa cual C. ta sera awor of ta trata nan separa. Fiscal a bisa cu lo trata nan separa.

    MUCHA YEN DI HAMBER:

    Por a nota cu e mucha tabata tembla hopi. Ora el a tende cu e caso no ta sigui, el a pidi Hues pa mand’e KIA. Hues a bisa C. cu esey no ta e ta dicidi sino Hues Comisario durante e proceso di detencion. Hues a puntra C. pakico e kier bay KIA. E ora ey C. a bisa cu el a worde treci Corte for di tempran sin a haya algo pa come.

    E informacion aki a shock Hues, kende a bira wak Fiscal di biaha. Ta asina cu tur sospechoso cu ta worde hiba Corte, mester haya cuminda. Ta pa oranan largo nan ta keda sinta den cel ta warda nan turno pa presenta dilanti Hues. Esaki no ta humano. Mas ainda si ta trata di un mucha.

   Hues a haya duele di e mucha y a bisa cu e ta dispuesto di ofrece su pan cu el a bin cun’e pa e come na trabao.

    Fiscal no tabata sa kico pa haci. El a purba disimula cu nada no a pasa pero e forma con Hues a actua, ta mustra claramente cu indirectamente el a haya bati riba su dedenan.

   Ta asina cu e caso a keda posponi te otro aviso.

- Advertisement -

DUNA COMENTARIO

Please enter your comment!
Please enter your name here