Home General SMOA no ta compronde e maneho di Departamento di Enseñanza riba edad...

SMOA no ta compronde e maneho di Departamento di Enseñanza riba edad di candidato pa rector di Colegio

0
0
SHARE
- Advertisement -

SMOA no ta compronde e maneho di Departamento di Enseñanza riba edad di candidato pa rector di ColegioORANJESTAD(AAN): Minister di Enseñansa a reacciona encuanto e rector nobo pa Colegio Arubano. Bart Kool, presidente di comision di supervision di SMOA, a splica cu tabata busca un rector nobo y a haya un candidato hopi adecuado y apto pa tuma e responsabilidad na Colegio.

   A yega na un acuerdo cun’e y despues a entrega e resultado di e negociasion na Directie Onderwijs, cual ta e departamento cu ta determina e subsidio di un funcion den Enseñansa.

   A haya un carta for di e departamento aki, bisando cu nan no por bay di acuerdo cu e deal cu a cera cu e candidato. Nan ta bisa diferente cos. Puntonan menos importante, por ehempel pa loke ta e subsidio cu por haya pa busca un hende for di exterior, directie onderwijs a bisa cu esey ta conta pa docentenan so, no pa rector. SMOA tabata sa esey caba si, sr. Kool a splica, cual no tabata un problema.

   Departamento di enseñansa ta bisa cu no por bay di acuerdo cu e rector nobo, door di e edad, mirando cu e tin 61 aña, no cu e ta cuadra cu maneho di ministerio di enseñansa pa e intencion di e minister pa bin cu un maneho, cu eigenlijk cu ta prohibi pa duna contractnan pa hendenan di 60 aña bay ariba. Esey tabata un sorpresa pa SMOA.

   Unavez cu haya un decision di un departamento di gobierno, por bay den bezwaar, cual a haci tambe. Den e bezwaar a purba di splica e interes grandi cu Colegio tin pa por contrata un persona hopi cualifica y e interes di minister di enseñansa pa loke ta su intension pa bin cu un maneho pa no prolonga e contractnan di hendenan cu 60 aña y mas.

   Gobierno den e ultimo añanan tin e maneho pa subi e edad di hendenan riba mercado laboral. Den e sentido ey no a compronde mucho bon tampoco di con na un banda kier subi e edad pa hendenan por traha mas largo y di un otro banda, bo ta prohibi pa hendenan di 60 aña ta drenta e mercado laboral. Eynan SMOA a entrega su bezwaar. Ta wardando riba contesta awor aki.

   Por a tuma nota di e reaccion di e minister den corant. Ta laga minister invita SMOA pa sinta hunto, pero a entrega nan bezwaar y ta warda e contesta riba e bezwaar.

   Tin cu remarca cu normalmente ora cu entrega un bezwaar, e bezwaarder ta haya un periodo pa reacciona. E periodo ta seis siman y awor aki por bisa cu e periodo ey ta un tiki den desbentaha di SMOA, den e sentido cu kier duna school, docente, mayor y e muchanan calidad y sigur e candidato por duna un calidad. Awor aki tin cu warda. Considerando un otro paso huridico pa bay kortgeding. Riba esey no a dicidi formalmente ainda.

- Advertisement -

DUNA COMENTARIO

Please enter your comment!
Please enter your name here