Archivo di November, 2016

Compania di avion La Mia cu a accidenta cu futbolistanan kier a establece na Aruba

Publication: Wednesday, 30 November 2016. Categoria: General

Compania di avion La Mia cu a accidenta cu futbolistanan kier a establece na ArubaORANJESTAD(AAN):E grupo di inversionista doño di e compania di Aviacion LaMia kier a establece su mes na Aruba algun aña pasa.

Despues di no logra keda cla na Aruba mirando e tardansa a dicidi di bay purba na Venezuela.

Eynan tampoco a keda cla y finalmente na Bolivia nan a logra concretiza e compania. Den e edicion aki por lesa mas di e compania.

Coriente a bay den varios bario ayera anochi

Publication: Wednesday, 30 November 2016. Categoria: General

ORANJESTAD(AAN)– Varios bario riba nos isla a keda sin coriente for di 9 or ayera anochi. No por a haya comunicacion cu servicio di Elmar pa haya informacion tocante e problema aki pa por sa  kico exactamente a causa e blackout den algun bario di nos isla.

Ta wordo spera cu awe Elmar lo duna informacion tocante e problema aki pa por sa kico exactamente a pasa.

Mr. Drs. Richard Arends a huramenta como Minister di Asuntonan Economico y Comunicacion

Publication: Wednesday, 30 November 2016. Categoria: General

ORANJESTAD(AAN): Dilanti su famia y miembronan di Conseho di Minister, Mr. Drs. Richard Arends a hura dilanti S.E. Gobernador Freddis Refunjol, como Minister di Asuntonan Economico y Comunicacion.

Richard A. Arends di 35 aña di edad, naci na Aruba, ta bira e Minister mas hoben den e Gabinete aki. Te cu dialuna e tabata ocupa e puesto di “Chief of Staff” na Ministerio di Asuntonan Economico, Comunicacion, Energia y Medio Ambiente, di Gabinete Mike Eman II.

Reunion entre ATIA cu miembronan di fraccion AVP

Publication: Wednesday, 30 November 2016. Categoria: General

Reunion entre ATIA cu miembronan di fraccion AVPORANJESTAD (AAN): Siman pasa diahuebs ATIA a reuni cu algun miembro di fraccion AVP, Sr. Marlon Sneek, Sr. Rene Herde, Sr. Chris Dammers y Sr. Donny Rasmijn.

Durante e reunion aki e miembronan di fraccion a sera conoci oficialmente cu e presidente y e directora nobo di ATIA.

   Ademas a tuma e oportunidad pa discuti algun tema importante y cu por tin efecto riba e miembronan di ATIA.

Bird Wildlife of Aruba den Coleccion Nacional

Publication: Wednesday, 30 November 2016. Categoria: General

ORANJESTAD (AAN) Siman pasa departamento Arubiana di Biblioteca Nacional Aruba a haya bishita di sr. Greg Peterson cu a bin entrega un ehemplar di e buki Bird Wildlife of Aruba pa añadi den e Coleccion Nacional di Aruba.

   Sr. Peterson a worde compaña pa sr. Ron Smit di LM Publishers y señora Alice van Romondt di Fundacion Editorial Charuba. Señora Des Croes, bibliotecaria cu ta maneha e departamento Arubiana, a ricibi e preciosidad di publicacion aki.

Avion a cay na Medellin tabata bula antes cu matricula Arubiano

Publication: Wednesday, 30 November 2016. Categoria: General

LaMia kier a habri aerolinea na Aruba na 2013…

j

j

ORANJESTAD (AAN): E mesun avion cu Dialuna anochi a cay y dal den un sero cerca di Medellin na Colombia, tabata registra tres aña pasa na Aruba.

   Esey a socede tempo cu e inversionistanan di LaMia Airlines tabatin intencion di cuminza un aerolinea na Aruba tambe.

   E mesun avion ey di British Aerospace Avro RJ85, a wordo registra dia 16 di October 2013 cu e matricula di Aruba, esta “P4-LOR”.

   Riba e potret aki, pa cortesia di Nito, por mira e avion riba pista 11 di Aruba, sperando permiso pa lanta su vuelo.

SIMAR ningun momento a nenga di yuda Juffrouw Suki

Publication: Wednesday, 30 November 2016. Categoria: General

Sindicato ta lamenta expresion di lider di MEP den prensa

SIMAR ningun momento a nenga di yuda Juffrouw SukiORANJESTAD(AAN): Tin un cantidad di discusion riba un juffrouw cu Simar lo tabata di yuda, pero finalmente el a bay y busca sosten un otro caminda, na un bufete, cu despues el a haya un cobransa. Por a scucha esaki for di lider di MEP cu Simar hasta a manda cobransa pa e juffrouw.

Shelia Tromp-Lazo a splica cu ta lamenta cu en principio Simar ta sali den prensa cu esaki di parti di lider di MEP, sin acerca pa tin un miho informacion encuanto esaki. Simar mes no a sali den prensa pasobra nan no ta bay cu casonan di miembronan den prensa, no ta expone esaki, pero toch tin cu aclarea esaki si kico a bay robes.

Satelite Goes R lo costa riba 100 Mil Dollar

Publication: Wednesday, 30 November 2016. Categoria: General

E mihor sistema pa haya tur dato Meteorologico :

Satelite  Goes R lo costa riba 100 Mil DollarORANJESTAD   (AAN): E satelite Goes R ta un cambio grandi pasobra e otro sistemanan di satelite cu a cuminsa desde 1975 y cu ta basta anticua.

Mester paga?

 Segun Marck Oduber, Servicio Meteorologico no ta paga pa luna pa servicio cu nan tin pa genera informacion via e satelite. E departamento meteorologico Mericano lo yuda tambe cu si hay’e via via, of directamente mes via satelite, no ta paga pa luna.

Director nobo pa Stichting Verstandelijke Gehandicapten Aruba (SVGA)

Publication: Wednesday, 30 November 2016. Categoria: General

Director nobo pa Stichting Verstandelijke Gehandicapten Aruba (SVGA)ORANJESTAD (AAN)—-“Stichting Verstandelijke Gehandicapten Aruba (SVGA) tin un director nobo pa sigui cu e trabounan importante pa e fundacion pero tambe pa e sector aki”, asina Minister Paul Croes di Asuntonan Social a anuncia. Els van Homelen ta tuma e responsabilidad.

Despues cu Sr. Tuyo Werleman a haci e trabou aki pa hopi aña y a bay cu un pension bon mereci, e fundacion cu ta subsidia pa Gobierno di Aruba bou di Ministerio di Asuntonan Social, mester a yega na un nombracion nobo. Directiva a haci e proceso di solicitud y a haya varios candidato, finalmente e escogencia a bay pa Sra. Els Van Homelen.

Homber Colombiano sospecha di a abusa di mucha homber menor di edad dilanti Hues

Publication: Wednesday, 30 November 2016. Categoria: Judicial

Diabierna awor

ORANJESTAD (AAN): E caso penal contra e Colombiano L. biba na Aruba, sospecha di a abusa di un mucha homber lo bay sigui diabierna awor 2 di December 2016.

Na September e caso a bin dilanti pero pro forma. Fiscal a bisa cu ainda e investigacion ta andando.

   ABUSA DI MUCHA HOMBER

    E acusacion cu Fiscal a presenta contra L. ta cu entre Januari 2013 y 31 December 2014, el a abusa di un mucha homber naci na 2007. Fiscal a sigui bisa cu tambe tin un peticion pa nombra un experto pa investiga e victima. Fiscal a propone pa pospone e caso pa dia 2 December 2016.

Tin tres sospechoso deteni na Suriname

Publication: Wednesday, 30 November 2016. Categoria: Policial

1000 kilo coca confisca

ORANJESTAD     (AAN):   Unidadnan hudicial hunto a actua pa a confisca 1000 kilo di Cocaina riba un barco di bela. E caso a tuma lugar diamars ultimo ora cu controla a wordo hasi ora cu a constata cu un boto bela masha grandi ta wordo lastra pa un boto Venezolano.

   A lanta cierto sospecho pa cual a orde nan tanto e boto Venezolano y e boto di bela mara na waf na Cevihas na Bethesda.

T’Aki Tin a anuncia programa di fin di aña di Caya Grandi

Publication: Wednesday, 30 November 2016. Categoria: General

ORANJESTAD (AAN): Durante un conferencia di prensa a wordo anuncia programa di fin di aña di Caya Grandi. Prome Minister Mike Eman, hunto cu representante di Aruba Bank, Gianni’s Group, T’Aki Tin y OBID tabata presente pa duna mas informacion.

Prome Minister Mike Eman a bisa cu pa Gobierno ta un otro momento importante pa sigui apoya caya principal, nan a haci esfuerzonan grandi pa inverti hopi den renovacion di centro di ciudad y nan ta mira cu e tempo pa traduci tur e renovacion aki den actividadnan adicional y mas trafico den Caya Grandi, sigur den temporada di fin di aña, cu por captaliza esaki cu cantidad di trafico cu por trece den Caya Grandi.

A.T.A. ta lansa campaña yamando danki na personanan cu ta contribui na un Aruba mas dushi

Publication: Wednesday, 30 November 2016. Categoria: General

Un Aruba Dushi pa Biba Ta un Aruba Dushi pa Bishita

ORANJESTAD     (AAN):  Aruba Tourism Authority a lansa un campaña den e espirito di fin di aña ‘Danki Aruba’. Pa medio di e  campaña aki ta reconoce a heroenan cu ta haci di Aruba uno Dushi pa Biba y como tal uno Dushi pa Bishita. E prome ciudadano ehemplar cu ta reconoce ta un señora di 90 aña cu semper a dedica su tempo liber na brinda su aporte na nos comunidad.

Ta reconoce señora Irene Robles-de Medina cu ta miembro activo na Centro Kibrahacha. Irene tabata un maestra di scol y despues di a retira cu pensioen a dicidi di dedica su tempo liber na yuda otro hende na e manera cu e por.

SIMAR tin miembro di tur color politico pero politica no ta hunga den SIMAR

Publication: Wednesday, 30 November 2016. Categoria: General

SIMAR tin miembro di tur color politico pero politica no ta hunga den SIMARORANJESTAD(AAN): Sheila Tromp-Lazo, presidente di SIMAR a splica cu mirando cu Simar ta un sindicato di maestro y maestro tin tur color politico. Pero politica no ta hunga den Simar.

No ta hunga cu caso di maestronan ora cu presenta algo. Si kier pone enfasis cu tabata tin un temporada cu a haya masha hopi maestro cu na e momento ey a bira miembro pasobra nan a haya nan mes den un caso.

Ex Minister Oduber ta lamenta cu Shoco Awards a keda cancela

Publication: Wednesday, 30 November 2016. Categoria: General

Esunnan den industria di turismo desapunta

shoco awardsORANJESTAD(AAN)– Shoco Awards a wordo amplia 7 aña pasa y tabata manera e grammy awards di Aruba unda  tabata reconoce tur esunnan cu ta traha den e industria di turismo.

Companianan y nominadonan tabata hopi entusiasma y e tabata un honor pa e nominadonan y esunnan cu tabata gana. P’esey at di lamenta cu esaki a wordo cancela

Shoco awards tabata un insentivo tambe pa tur persona cu ta traha den e industria di turismo na Aruba.