Home General Aruba Birdlife Foundation a entrega Gobierno peticion pa scapa nos naturaleza

Aruba Birdlife Foundation a entrega Gobierno peticion pa scapa nos naturaleza

0
0
SHARE
- Advertisement -

ORANJESTAD (AAN) — Dia 3 di September di e aña aki, Aruba Birdlife Foundation a lanza un peticion di firma na pueblo di Aruba, pa scapa nos naturaleza. Asina sr. Greg Peterson, ken ta dirigi e organizacion aki a declara pa Matutino DIARIO.

Nan meta tabata pa yega na cinco mil firma pa sostene esaki, pa stop cu destruccion di nos naturaleza, y nan a colecta mas di 11 mil.

Nan a enfoca muy particularmente riba e situacion na Bubali Plas y di Isla di Oro na Savaneta.

Parlamento di Aruba, na Februari 2013, a vota riba un mocion pa scapa dieseis area di nos naturaleza, pero nada a wordo haci al respecto, incluso tin varios area cu a wordo destrui recientemente.

Pues, nan a entrega e peticion y firmanan na Presidente di Parlamento drs. Mervin Wyatt-Ras, cu e suplica pa por fabor rescata e areanan aki ainda y laga nan bira parti di Parke Arikok.

Banda di esey Minister di Infrastructura ta bezig ta purba di kibra e ley di ROP (Ordenanza Teritorial) y e grupo aki ta pidiendo gobierno tambe pa no haci esaki pasobra e lo haci cu Aruba perde hopi naturaleza y esey ta un parti formal di e peticion cu nan a entrega.

- Advertisement -

DUNA COMENTARIO

Please enter your comment!
Please enter your name here