Home Hudicial Caso penal contra homber haya cu pistol y rifle

Caso penal contra homber haya cu pistol y rifle

3
0
SHARE
- Advertisement -

Caso penal contra homber haya cu pistol y rifleORANJESTAD (AAN): Mayan mainta e homber G.E. mester presenta dilanti Hues pa trata e caso penal cu na September 2016 a keda posponi.

Ministerio Publico a cuminsa un caso penal contra G.E. pa tin armanan di candela hunto cun’e.

   ACUSACION:

   E acusacion cu Fiscal lo presenta mayan mainta contra G.E. ta cu riba 6 Mei 2016, e tabatin un pistol y dos rifle cu bala hunto cun’e.

Na September 2016 e caso a bin dilanti pro forma. Fiscal a informa Hues cu e motibo cu e caso ta pro forma ta pasobra cu ainda e procesverbaal oficial no ta cla.

A palabra e ora ey cu e caso lo keda pospone pa dia 4 November 2016 esta mayan.

Manera DIARIO a yega di publica, Ministerio Publico a haci su maneho pa cu arma di candela ilegal mas pisa. Antes e castigo tabata 12 luna di prison pero awor Fiscal ta exigi 15 luna di prison. Esaki ta depende den cu situacion a haya e armanan.

   PASIVO Y ACTIVO:

    Segun ley tin e situacion pasivo y activo. E situacion activo ta ora cu Polis haya e arma of armanan na cas warda of na un lugar scondi. E situacion activo ta momento Polis haya e arma riba e persona of den su auto cu e ta coriendo cun’e rond.

Den un situacion pasivo hopi biaha ta mas suave cu e situacion activo. Ministerio Publico ta sali for di e punto di bista cu den un situacion activo, un ora pa otro e persona lo por usa e arma cu por tin consecuencia serio y hasta fatal. Den un situacion pasivo esey no ta e caso.

Durante tratamento di e caso lo bay haya sa mucho mas detayes di e caso y DIARIO lo informa lectornan di esakinan.

- Advertisement -

DUNA COMENTARIO

Please enter your comment!
Please enter your name here