Home General DOW a traha plan caba pa maneha riesgonan di awa

DOW a traha plan caba pa maneha riesgonan di awa

1
0
SHARE
- Advertisement -

DOW a traha plan caba pa maneha riesgonan di awaORANJESTAD(AAN): — Pa loke ta e caminda mes, segun Marlon Croes, director di DOW, a splica cu a traha un plan caba pa asina maneha e riesgonan di awa cu tin. Awor aki a caba di traha un plan pa dentro di tres pa cuater siman por tin nos camindanan, specialmente e camindanan principal, cu ta accesibel na un manera responsabel.

Lo bay ta uza nan propio ekipo y huur otronan pa por bari e camindanan. A ripara cu tin diferente area riba nos camindanan cu tin problema cu buraconan den caminda y esey ta, den e simannan cu lo bay bin, lo bay ta dedica hopi tempo na esey pa por ta OK pa temporadanan di fin di aña.

E camindanan principal lo bay traha riba dje. Pero ta bay tin un ploeg cu lo bay dedica na e camindanan di santo pa gradernan. Ta bay tin hopi mas ploeg riba caminda di asfalt cu a haya hopi santo riba dje. Lo bay uza ekiponan manera bobcat, pa kita santo for di caminda y tambe straatvegers pa bari caminda.

Ta bay ta uzando koudasfalt y si ta posibel tambe warm asfalt pa por yena e buraconan y tambe con ta bay drecha e camindanan principal, no door di patch, pero corda y yen’e na un manera responsabel, pa e ta mas duradero, segun Croes.

Tin cu menciona cu DOW a haci un evaluacion ayera caba riba con e respons tabata. A ripara cu no ta riba tur front a perform na nivel cu ta desea y a siña for di dje y awo ta cambiando nan draaiboek pa si algo asina sosode, con ta bay ta atende cun’e na un manera mas efectivo y eficiente.

Esnan cu tin mester di yudansa, cu camindanan ta kibra cu tin biaha DOW no sa, segun Croes, e scoutnan no por yega tur caminda, pero si tin habitante cu por yama, ta pone riba e lista pa por procesa nan y atende cu nan e ora, Croes a bisa por ultimo.

- Advertisement -

DUNA COMENTARIO

Please enter your comment!
Please enter your name here