Home General Drone a baha articulonan den cel na piso cuater di prison

Drone a baha articulonan den cel na piso cuater di prison

2
0
SHARE
- Advertisement -

ORANJESTAD    (AAN):  Nos tin un prison situa na Santo di Patia y manera ta conoci, tin cantidad di persona ta sinta nan castigo ey den relaciona cu droga y tin tambe cu ta cera pendiente di nan caso den corte.

Manera ta conoci cu KIA, apesar di vigilancia estricto ta keda vulnerable. Esaki por a sigui algun luna atras na unda un ex militar a demostra con facil por yega te na e muraya di KIA.

Tambe e problema tocante “Drone” cu yega di señala ta bula den area di  Korectie Instituto Aruba.

E director encarga tin e instituto bao di control pero e semper mester keda alerto.

Recientemente na un prison na Dinamarca guardianan a wak diamars anochi un “Drone” ta drenta den un cel, na e di cuater piso di e prison, via bentana.

Mesora alarma a wordo bati y inspeccion cu a wordo haci na e piso menciona a resulta cu e “Drone”a entrega diferente articulo na un detenido. Entre otro segun e version den medio di comunicacion na Dinamarca. a confisca dos cellular, blade pa zaag hero y algun bout.

Tin sospecho cu e artefactonan confisca probablemente a wordo entrega na e preso cual lo ta preparando su plan pa huy. E presidente Kim Osterbye di e sindicato di guardianan a expresa di ta contento cu a descubri esaki e biaha aki pero proximo biaha esaki lo no ta asina mas.

Locual ta e persona cu a opera e “Drone” pa entrega e artefactonan cerca e prisonero na e di cuater piso di e prison Nyborg a logra “get away”.

- Advertisement -

DUNA COMENTARIO

Please enter your comment!
Please enter your name here