Sindicato SADA:
ORANJESTAD (AAN): E plan pa modifica e sala di yegada na Aeropuerto ta uno cu a wordo haci sin a notifica Douane di esaki. Eduard Maduro, presidente di SADA, a conta den un articulo anterior, cu e hecho aki ta haci cu e espacio di traha pa e douanero, ta wordo recorta, imposibilitando su trabao y di nan parti, bin cu carrentalnan den e sala di yegada.
E ta sigui conta cu e plannan cu tin na aeropuerto ta data di mas di 10 aña pasa. E hefe e tempo ey mes a bari esaki for di mesa. E no ta un cuestion cu e hefe mester a coy e mapa bay cune cerca e Hoofd van Dienst y splik’e cu e no lo traha.
Aeropuerto e tempo ey, e chef mes a señala cu e cos aki no lo funciona, pero a bin ripara cu AAA a keda press riba e mesun mapa bieu cu ta data mas di 10 aña pasa y a keda forsa te dia di awe cu sea nan a bin convence e director of a push’e cun’e cu e mester a tum’e sin mas.
Ta comosifuera cu nan a saca e mapa for di lachi, haci algun cambio y tir’e riba mesa. Ta wak cu ta e mesun mapa. Douane mes a maak’e mee. E chef e tempo ey a bisa e douaneronan di e plan y a bisa cu e no lo funciona. E chef tambe tabata di opinion cu e no lo funciona y a barie for di mes. Awor aki ta mira cu si e mapa ta conta.
E biaha aki no a tuma cuenta cu e werkvloer, no a tuma cuenta cu e douaneronan cu ta na pia di trabao. Nan a djis tuma un decision den hoger kader. Awor aki ta sinta cu un problema masha grandi mes na aeropuerto, Maduro a splica.
