Home Hudicial Homber cu a bati dama y bay cu su cellular dilanti Hues

Homber cu a bati dama y bay cu su cellular dilanti Hues

0
0
SHARE
- Advertisement -

Homber cu a bati dama y bay cu su cellular dilanti HuesORANJESTAD (AAN): E conoci di Polis, e homber G.P., mayan mainta mester presenta dilanti Hues pa responde pa e delitonan cu el a haci. Tin tres acusacion contra dje di cual un ta atraco cu violencia haci riba un dama.

   Na September 2016 e sospechoso G.P. a presenta caba dilanti Hues pero e caso a bin dilanti pro forma. Fiscal a bisa cu door cu no tin lugar den e schedule di casonan penal, el a pidi pa pospone esaki pa Diabierna 4 November 2016.

   ACUSACIONNAN:

   E acusacionnan cu Fiscal a presenta na September 2016 contra G.P. ta:

Dia 20 Maart 2016, el a horta un cellular for di un dama cu violencia. A dal e dama cu mokete na cabez y skop na curpa y despues a bay cu e cellular.

   Dia 13 April 2016, el a purba horta for di cas na Sero Blanco.

   Dia 29 April 2016, el a horta otro cellular for di un dama.

   NENGA LAGA SOSPECHOSO LIBER:

   Na September 2016, abogado mr. Crouch a pidi pa laga e sospechoso liber. El a menciona cu un di e personanan a bisa cu el a reconoce G.P. riba Facebook. E abogado ta haya cu Ministerio Publico ta basa su mes cu si den pasado e sospechoso G.P. a haci’e, atrobe el a haci’e. Na opinion di e abogado, no tin motibo di peso.

   Fiscal a bisa cu e momento ey no ta trata e caso y no ta bay si e ta culpable of no. Ta trata aki di un caso di atraco cu violencia y ta considera G.P. recidivista caminda Corte a condena G.P. caba na 2013 y 2014. Fiscal tambe a mustra cu ademas G.P. a haci e delito aki den su tempo di prueba door cu el a worde laga liber tempran.

   Hues a bay pensa un rato y a bolbe caminda el a dicidi cu e ta rechaza peticion pa laga G.P. liber. E ta haya cu tin motibo di peso y den G.P. su tempo di prueba el a haci e delitonan aki.

   DIARIO lo informa lectornan kico tur a sosode durante tratamento di e caso.

- Advertisement -

DUNA COMENTARIO

Please enter your comment!
Please enter your name here