Home Hudicial Homber cu plantacion di 102 mata di marihuana y un cantidad di...

Homber cu plantacion di 102 mata di marihuana y un cantidad di cocaina y marihuana dilanti Hues

15
0
SHARE
- Advertisement -

marijuanaORANJESTAD (AAN): E homber G.E., awe mainta ta presenta dilanti Hues pa tratamento di e caso penal cu Ministerio Publico a cuminsa contra dje.

Na Augustus 2016 e sospechoso G.E. a presenta dilanti Hues caminda Fiscal a bisa Hues cu e caso ta pro forma pasobra ainda e raport oficial di Polis no ta cla.

   MATA Y DROGA:

   Fiscal a bisa cu e acusacion cu tin contra G.E. ta cu riba 6 Mei 2016, e tabatin 102 mata di marihuana na su cas. Ademas e tabatin 250 gram di cocaine y 200 gram di marihuana.

Tambe Fiscal ta acusa G.E. cu riba mesun fecha tabatin cocaine y marihuana den poder.

    POSPONE CASO:

    E Fiscal a bisa Hues cu ainda e raport oficial di Polis no ta cla. Fiscal a bisa cu e caso ta pro forma y a propone pa e caso keda posponi pa awe 11 November pa 10’or mainta.

   Abogado mr. Zara a bisa Hues cu diferente biaha el a bisa esaki pero no ta tene cuenta cu esaki. Cada biaha e ta usa droga. Ta door cu Polis tabata busca su yiu, nan a dal riba dje. E ta un usador y no un bendedor. No ta compronde pakico procesverbaal no ta cla. Su famia ta sufriendo pasobra G.E. ta sera. E tin plantacion pa propio uso. E abogado ta kere cu mester mira otro circumstancianan y no solamente e acusacion. El a pidi Hues pa laga G.E. liber pendiente su caso. Asina e lo por mantene su famia.

    FISCAL:

    Fiscal ta haya cu tin motibo di peso. El a mustra cu Polis a haya 102 mata di marihuana, 250 gram cocaina y 200 gram di marihuana na e cas. Ademas no ta promer biaha cu G.E. ta cay sera pa droga. Fiscal ta haya cu no mester laga E.G. liber.

Hues a rechaza e peticion di abogado pa laga G.E. liber y a bisa cu tin motibo di peso. Hues a sigui bisa cu mirando e cantidad di droga, e ta crea e impresion di G.E. tabata bendiendo. A pospone e caso pa awe mainta.

DIARIO lo informa lectornan tur loke sosode den Corte.

- Advertisement -

DUNA COMENTARIO

Please enter your comment!
Please enter your name here