Home General Minister di Husticia Arthur Dowers no ta ambiciona pa e cartera di...

Minister di Husticia Arthur Dowers no ta ambiciona pa e cartera di Turismo

0
0
SHARE
- Advertisement -

Minister di Husticia Arthur Dowers no ta ambiciona pa e cartera di TurismoORANJESTAD(AAN): Tin algun comentario ta circulando y kier a aclarea esaki. Minister Arthur Dowers tin un colega cu a bandona gobernacion.

Awor aki ta tende hopi speculacion, publicacion den media, entre otro den corant awe mainta tambe a sali, cu Dowers ta rabia pasobra no ta bay haya cartera di turismo y hasta menaza di bandona gobernacion.

E mandatario a splica cu berdadermente el a bisa cu el a haya un sorpresa. En berdad e tabata den staten y na e momento ey a haya un yamada caminda cu a worde bisa cu Dowers a tuma retiro di AVP, siendo cu e ta defendiendo presupuesto e momento ey.

Despues a compronde cu parce lo ta un periodista of un persona di un radio a soña esaki y a bira noticia. Ken a soña e no sa. Sinembargo e por imagina cu e por ta parti di e campaña difamatorio den su contra.

Na momento cu a asumi responsabilidad di gobernacion na 2009, Dowers a worde puntra door di e tempo aya, sr. Eman, kende tabata formador, si ta dispuesto pa asumi e responsabilidad e cartera di husticia y despues di algun ora, a worde yama back cerca sr. Eman.

El a puntra si e kier a asumi e cartera di enseñansa acerca. Dowers a splica cu el a wak cu e ta un cartera pisa, pero na momento cu pueblo haci un apelacion riba dje, y como cu e semper den su filosofia den politica cu ta pone pueblo prome, despues bo ta pone interes di bo partido, tur hende colectivo y na ultimo luga, bo ta pone bo mesun interes.

No tur hende semper tabata contento pa esaki, pero semper bo no mester exigi. Den politica bo no ta bin pa exigi. Esnan cu ta exigi den politica, pone cuchiu na garganta di hende, bo ta mira tur di nan tin e mesun fin den politica y semper Dowers su filosofia ta cu bo ta sirbi unda bo worde puntra pa sirbi.

Si e no por haci algo, e no ta asumi e responsabilidad y no ta pidi nada. Tin cu agrega cu ora cu a forma e di dos gobierno, y a puntra pa haci e responsabilidad den ministerio di husticia, el a acepta esaki cu hopi amor y pasion.

- Advertisement -

DUNA COMENTARIO

Please enter your comment!
Please enter your name here