Home General Minister Oduber a reuni pa sigura entrega continuo di awa na criadornan...

Minister Oduber a reuni pa sigura entrega continuo di awa na criadornan y agricultornan

5
0
SHARE
- Advertisement -

Apesar di damnnan cu tin awa

ORANJESTAD (AAN): Despues di dos aña di secura por wak cu basta di e damnan tin awa back. A haci control di e damnan pa wak di ki calidad e awa ta, cual ta algo normal cu ta haci hunto cu Landslaboratorio. E reto cu tin awo cual a informa minister di dje kende a bay di acuerdo pa cumpra un truck water truck mas e aña aki, segun Natalie Maduro director di Santa Rosa a indica na DIARIO.

   “Santa Rosa tin 4 watertruck den total, sinembargo dos di nan ta hopi bieu, un di nan tin 25 aña y e otro tin 20 aña. Pues algo cu a ripara aworaki ta cu e gasto ta hopi halto pa mantene e trucknan, pues te na e punto cu no tin sentido mas pa keda hinca placa den nan. Aworaki a haci peticion na Minister pa cumpra un water truck e aña aki y pa otro aña tambe wak si por cumpra uno mas, pa por tin 4 truck bon na total”.

   A reuni cu Minister y director di DOW, nan tambe ta haciendo nan parti pa loke ta e awa na Parkietenbos (awa recicla) cu tambe sigur ta un awa cu ta yuda hopi. Tin hopi cunukero cu ta prefera e awa ey pa motibo cu e ta un awa completamente limpi, pero atrobe pa loke ta salubridad mester tene uenta cu e testnan di laboratorio pa wak si e awa ta sigur (como e ta un awa recicla).

   DIARIO a haya sa, cu si awa sigui yobe y cu nos por tin e damnnan cu awa y unabes DOW ta cla cu e parti di Parkietenbos, mi ta kere cu pa otro aña por spera hopi plantamento na Aruba y cu argicultura lo ta hopi ativo. Tin hopi hendenan cu ta cla pa planta y ta wak un diferencia na Santa Tosa unda cu cunukeronan a bin busca nan simiyanan, preparando pa e awacero cu ta spera pa fin di aña. Si esey mes no ta e caso atleast nos sa cu nos tin e damnnan cu awa y ta den espera di e planta di Parkietenbos.

   DOW importancia planta stabiel:

   Segun Director di DOW Marlon Croes, 3 aña pasa Santa Rosa y Ministerio encarga cu Sector Primario a inverti den un instalacion di UV Parkietenbos unda cu por desinfecta e awa pa asina Santa Rosa por haci uzo di dje. Di banda di DOW cu ta opera e planta aki na Parkietenbos a pasa door di 2 aña di drecha e sistemanan “mecanico y electrico”, pa por tin un planta mas stabiel pa duna awa na Santa Rosa na un manera constante. Ora nos ta duna Santa Rosa awa, e calidad mester ta halto pa preveni cu tin riesgo pa salubridad publico.

   Esey kiermen cu den e caso aki, laboratorionan tincu haci test riba e calidad di awa pa no distribui bacteria rond. Si por haci esaki, e ora sector primario por uze pa irrigacion y pa su bestianan sino mester stop cu e distribucion. P’esey ta importante pa e planta ta den bon condicion y na standard halto, Sr. Croes a termina bisando

- Advertisement -

DUNA COMENTARIO

Please enter your comment!
Please enter your name here