Home Hudicial Mucha di 15 aña condena na 1 aña di prison y 6...

Mucha di 15 aña condena na 1 aña di prison y 6 luna tratamento na OTC

1
0
SHARE
- Advertisement -

El a haci serie di ladronicia y hasta atraca turista

ORANJESTAD (AAN): Ayera mainta Corte den Promer Instancia a dicta sentencia den e serie di casonan penal cu Ministerio Publico a cuminsa contra un menor di edad.

  Ta asina cu e tratamento di e caso a worde haci portanan sera pasobra ta trata di un menor di edad. Sinembargo ayera mainta e sentencia si a worde haci den publico.

  MUCHA A ATRACA TURISTA:

   Hues a bisa cu e ta haya e mucha di apenas 15 aña culpable di atraco cu violencia riba un turista. Tambe cu e muher a horta tas di un turista. Ademas tin un serie di ladronicia cu el a haci.

    MUCHA A AGREDI MENEER:

   Hasta tin un caso di maltrato. Ta trata aki di un situacion cu a presenta na school caminda e mucha a tira tas riba un meneer di school.

   PROBLEMA COMPORTACION:

   Hues a mustra cu segun e raport di Reclasering, e mucha tin problema na cas. Psycologo a evalua e mucha y tambe un experto di OTC. Nan a conclui cu e mucha tin un problema di comportacion.

   Hues ta haya cu teniendo cuenta cu raportnan mester impone detencion y cu e mucha mester sigui tratamento OTC pa 6 luna.

    CASTIGO:

    Hues a condena e mucha na 12 luna prison y ademas 6 luna bao tratamento di OTC. Esey kiermen cu despues di e castigo di prison e mester bay tur dia OTC y mester sigui instruccionnan. Hues a bisa cu si e mucha no cumpli cu esey ta impone un castigo di prison 6 luna.

- Advertisement -

DUNA COMENTARIO

Please enter your comment!
Please enter your name here