Home Politica Otmar Oduber cu carta den man a mustra cu Sevinger no ta...

Otmar Oduber cu carta den man a mustra cu Sevinger no ta papia berdad

2
0
SHARE
- Advertisement -

Minister Sevinger a firma y a compromete Aruba

Otmar Oduber cu carta den man a mustra cu Sevinger no ta papia berdadORANJESTAD (AAN): Contrario na ponencianan di Minister Benny Sevinger cu na diferente ocasion ta nenga di a dirgi carta na grupo di inversionista. Ex Minister Otmar Oduber a presenta carta fecha 28 december 2015 cu firma di sr. Sevinger unda cu e ta aproba renobacion y expansion di hotel, cu ta inclui un resort all-inclusive. Esaki a sosode sin consulta na sr. Oduber teniendo na cuenta cu tabata tratando ley di all-inclusive.

   Ta parce cu sr. Sevinger ta un poco bruha pasobra e no sa ki documentonan e ta firma, tabata palabranan di sr. Oduber durante di un conferencia di prensa unda cu el a trece un carta como prueba cu Sevinger a firma pa cambernan all-inclusive. Asina ta kita hopi duda tambe cu tabatin den comunidad despues cu sr. Oduber a referi na e tipo di boycotnan cu tabata tuma luga contra su trabaonan.

   Contenido carta:

   Den e carta firma pa sr. Sevinger fecha 28 december 2015 dirigi na grupo di inversionista ta indica (traduci): ‘segun bo peticion, mi ta confirma cu mi ta bay di acuerdo cu e plannan di renobacion y expansion’. Sr. Oduber como Minister encarga cu turismo e tempo ey na ningun momento a worde acerca pa wak si ta di acuerdo cu expansion si of no etc. Sinembargo esey no ta tur, e carta ta sigui bisa: ‘Y pa desaroyo di un “all-inclusive resort” como parti di dicho renobacion y expansion’.

   Regulacion all-inclusive ya na Parlamento:

   “Anto bo ta bisa cu bo no sa? Bo no sa ki bo ta firma?, of bo no sa ki cartanan bo tin?, sr. Oduber ta cuestiona. Mester corda bon cu 28 di december ya Conseho di ministronan a worde tuma caba y ya nos a haya e carta di conseho di Raad van Advies y cu na e momento ey e ley a bay Parlamento. Kiermen sr. Sevinger tabata sa como miembro di e Gabinete cu e Gobierno (cu ta encera Prome Minister y tur Minister den Conseho di ministronan), a bisa cu ta bay regula all-inclusive”. Sr. Oduber su pregunta e ora ta: Pakico esaki si a sali bay e ora y pakico nenga cu esaki a tuma luga? Ora cu mira e documento di e renobacion y expansion aki, di biaha bo ta mira cu no ta papia di ‘100 camber’ manera cu Sevinger a menciona ultimo. Pasobra, for di dos edificio cu tabatin anteriormente, por tuma nota cu ta papia di 5 edificio cu lo tin den e area aki. Cual no ta sr. Oduber a acorda, sino ta Minister Sevinger a bay di acuerdo.

   Ki direccion kier hiba Pais Aruba:

   “Esaki ta e politica cu ami no kier continua aden. Tambe mi ta kere cu mester papia di e tipo di cosnan aki pa evitanan y cu den futuro mester tin acuerdonan firma y leynan poni riba mesa cu ta bisa den ki direccion nos kier bay cu e desaroyo di Pais Aruba den futuro. Nos kier mas hotel of no? y si mester bin cu uno e mester ta uno cu ta contribui na e mehoracion di Aruba. E no por ta, cu bo ta duna permiso na hotelnan cu no ta na e nivel cu Aruba ta basa su turismo riba dje. Nos kier hotelnan cu ta contribui na e nivel di e RevPar y e calidad di turismo entre otro cu nos a bin ta hayando riba nos isla,” sr. Oduber a conclui.

- Advertisement -

DUNA COMENTARIO

Please enter your comment!
Please enter your name here