Minister Alex Schwengle:
ORANJESTAD (AAN): Minister Alex Schwengle durante e conferencia di prensa a splica cu e motibonan ta bon cla riba e influencia di Influenza. E mes a atende pashentnan hopi serio cu e problema di influenza unda hasta uno a fayece. E ta duna un obstruccion pisa.
E mensahe ta pa pueblo preveni cu ta mihor cu lamenta. Si ta bay vacuna full pueblo e ta bon pero e peliger ta si no tin proteccion at all. E virus ta cambia di caracter cada aña y cu consecuencia hopi severo. Esey parti di AO ta hunga un rol hopi grandi cu consecuencia di miyones durante aña.
Minister Alex Schwengle a splica cu ta recomendable pa tur trahador tuma e vacuna. Tin pashent no por haya vacuna. Un trahador protehi pa e vacuna e riesgo pa e pashent ta bira menos. E malesa ta bira menos severo. Ta bon pa e tipo di riesgo bay cerca dokter di cas pa haya e vacuna. E trahador cu kier haya vacuna por acerca nan dunador di trabou segun e mandatario.
Ronald Geerman ta traha como enfermero di Departamento di Malesanan contagioso a splica cu e aña aki ta bin cu un strategia diferente. E pashent cu ta bin na nan departamento ta wordo registra. A bin cu otro sistema cu un schema y cu orario unda ta bay cu e vacuna na e hendenan di riesgo. Nan tin diferente motibo pakico a escoge cierto grupo.
Geerman a splica cu a traha un schema y pick point cierto lugar. A tuma cierto tempo pa asina splica tur hende dicon a escoge e lugarnan aki. A facilita e docternan usando un receta cu e dokter por duna e pashent. Asina e tin un bista unda e por bay tuma su vacuna. DBZ ta keda habri henter dia. Esnan cu no ta cay bou grupo di riesgo por pasa.
Den cierto periodo Influenza ta cuminsa. Mayoria caso ta cuminsa December, January, February. A busca 6000 vacuna. Djey lo purba haci un bestelling atrobe via PAHO si tin demanda. Kier mira si e cantidad cu nan tin ta suficiente pa awor aki. E vacuna ta dura algun dia pa e efecto funciona den curpa di un hende segun Ronald Geerman y pesey ta bon pa pasa tume awor.
