Home General RENOBACION DI LIDERASGO DEN FRACCION DI AVP

RENOBACION DI LIDERASGO DEN FRACCION DI AVP

16
0
SHARE
- Advertisement -

RENOBACION DI LIDERASGO DEN FRACCION DI AVPORANJESTAD(AAN)— Segun un comunicado di fraccion di AVP, ayera mainta e fraccion di AVP den Parlamento a tuma diferente decision riba organisacion di e fraccion cu pa algun tempo tabata pendiente. E decision mas importante ta e cambio di lider di fraccion.

Rene “Baba” Herde’ cu tabata e lider di fraccion for di aña 2009, a pasa e funcion pa su colega Marlon Sneek cu for di 2013 tabata e lider di fraccion interino. Chris Dammer ta asumi awor e funcion di lider di fraccion interino.

E otro decisionnan tin di haber cu reparticion di tareanan interno den e fraccion, formanan nobo pa reunion den e fraccion y preparacion pa e aña di debate publico prome cu eleccion 2017. Den e debate publico aki e fraccion cu su politiconan experiencia ta hunga un rol importante.

E fraccion cu na 2009 tabata consisti di 12 miembro di cual solamente dos tabata tin experiencia den Parlamento, awe ta consisti di 12 miembro cu amplio experiencia, conocemento y habilidad politico, cu ta resalta den cada debate den Parlamento y den prensa.

Hasta den tempo cu e fraccion nobo mester a debati den Parlamento cu un fraccion di 8 miembro di MEP di cual tres ex-minister y cuatro parlamentario cu experiencia, e motivacion, conocemento, creatividad y curashi di e fraccion di AVP, a sa di domina e fraccion di MEP totalmente, apesar di e experiencia mas grandi di e fraccion di MEP. Awe ainda esey ta e caso, e ta menciona entre otro.

Awe  mainta e lider y lider interino di fraccion di AVP lo wordo presenta na prensa local y internacional. Rene Herde’ lo keda ocupa e funcion di Vice Presidente di Parlamento y di presidente di e Comision di Asuntonan Exterior & di Reino di Parlamento di Aruba.

- Advertisement -

DUNA COMENTARIO

Please enter your comment!
Please enter your name here