Home Hudicial Sospechoso a bira agresivo lanta para y kier a bringa den Corte

Sospechoso a bira agresivo lanta para y kier a bringa den Corte

3
0
SHARE
- Advertisement -

Miembro di CEA mester a actua pa evita cu cos ta bay for di man

ORANJESTAD – Un miembro atento di CEA a bira actua di biaha ora e sospechoso H.A. a lanta para y cuminsa grita masha agresivo na e ruman homber di e testigo, kende ta e victima cu H.A. a hinca cu cuchio.

E miembro di CEA, na un forma tactico a hiba H.A. pafor di sala y despues di un rato, ora cu Hues a caba cu e testigo, H.A. a bolbe. Hues a hala su atencion debidamente mustrando cu e lo no tolera comportacion asina mas.

SOSPECHOSO A HINCA

H.A. cu mannan y pianan geboei a presenta den sala di Corte. E ta un conoci di Polis, rasta cu locks hopi largo mes. E tin hasta tattoo riba su frenta.

Ta asina cu anterior a pospone e caso pa scucha dos testigo. E ta wordo acusa di riba 11 Februari 2016 a hinca e homber R. cu cuchio. Ta asina cu R. ta sordo y A.H. tabata kier a scuch’e como testigo y un otro persona mas. A.H. ta para riba cu e no a hinca manera ta acus’e di dje.

Fiscal a bisa Hues cu tin un persona cu por haci e señalnan pa papia cu e sordo, pero e no sa si e sordo conoce e señalnan.

E otro testigo, aunke el a wordo invita pa presenta den Corte, no a presenta. Abogado mr. v.d.Biezen a bay papia cu A.H. y despues el a bisa Hues cu su cliente kier pa scucha e otro testigo tambe.

Hues a bisa cu esey ta nifica cu mester pospone e caso atrobe. Fiscal a bisa cu a invita e sospechoso pa e presenta den Corte. Awor lo mester duna orden pa Polis buske. Hues a pospone e caso pa 17 November merdia. Hues a bisa cu lo purba scucha e testigo surdo.

SOSPECHOSO A BIRA AGRESIVO

Un persona a presenta hunto cu e homber R. cu ta sordo. E persona aki, ta R. su ruman homber y e sa con pa comunica cu R.

  1. mester a bisa e berdad kico a pasa entre e y H.A. riba 11 Februari 2016. E ruman a bisa R. pa bisa Hues cu H.A. a hink’e cu cuchio.

E momento ey tanto abogado mr. v.d.Biezen, como H.A. a cuminsa reclama. Hues a bisa e abogado cu e ta compronde pero no tin otro forma pa mira si R. ta papia.

A.H. no a keda contento y a reclama e ruman cu e ta pone palabra den boca di R. y cu e no sa kico a pasa. E ruman a reclama cu A.H. a hink’e y aki ta caminda cu A.H. a manera perde cabez. El a lanta para y aunke e tin su pianan geboei, el a habri su mannan y tabata manera cu e kier a bay agredi e ruman di e sospechoso.

Di biaha a mira e miembro di CEA bay riba H.A. y a bis’e pa keda trankil. H.A. a sigui halza voz cu e ruman di e sospechoso y e miembro di CEA a guia H.A. hib’e pafor di sala di Corte.

POSPONE CASO UN BIAHA MAS

Hues na dado momento a bisa cu e ta haya cu no por interoga e testigo sordo di e forma aki. Abogado mr. v.d.Biezen a bisa cu e ta desisti di scucha R. como testigo. Hues a dicidi di pospone e caso pa asina Fiscal wak pa e otro testigo presenta dia 17 November den Corte.

E ruman di e testigo a bisa Hues cu e kier pa H.A. stop di maltrata su ruman y kita placa for di dje. El a bisa Hues cu cada rato H.A. ta haci esey. Hues a bisa e ruman cu esey ta un asunto apart cu e caso mes y no por trata esey.

Despues cu e testigo R. y su ruman a sali for di sala di Corte. E miembro di CEA a trece A.H. bek. Hues a puntr’e cu si awor e ta trankil. A.H. a bisa cu si. E ora ey Hues a hala A.H. su atencion debidamente. El a bisa A.H. cu e no tolera tipo di comportacion den sala di Corte y cu si un biaha mas A.H. haci esey, e lo manda saca A.H. for di sala di Corte.

Hues a pospone e caso y a bisa cu dia 17 November 2016 lo scucha e testigo Z. E biaha aki Polis lo trece Z. den Corte.

- Advertisement -

DUNA COMENTARIO

Please enter your comment!
Please enter your name here