Home Evenemento “E re-encuentro Divas in Concert” di Chicas Gaiteras a trece hopi recuerdo

“E re-encuentro Divas in Concert” di Chicas Gaiteras a trece hopi recuerdo

5
0
SHARE
- Advertisement -

Publico grandi a gosa di evento den Aruba Entertainment Center!

ORANJESTAD (AAN): “El a trece hopi recuerdo, hopi memorianan di mi famia y specialmente el a trece e ambiente di Pasco cu tanto mi tabata falta”, asina por lo menos un di e fanaticonan den Aruba Entertainment Center a duna di conoce. Un publico grandi a atende e evento “Chicas Gaiteras, e re-encuentro Divas in Concert” diasabra ultimo. E evento a bini despues di 13 aña cu e banda a haci nan ultimo presentacion hunto.

   Ta trata di un solo concierto unda cu Chicas Gaiteras a duna oportunidad na mas hopi fans posibel pa presencia e evento cu tabata yena di hopi ambiente y recuerdonan masha bunita mes. Den pasado, Chicas Gaiteras a ricibi aplauso, muestranan di cariño y gradicimento y ta pa e motibo aki, cu Chicas Gaiteras kier a haci algo back pa comunidad y esunnan cu tin e tarea dificil di conscientisa, educa y informa riba topiconan social.

   No tabata facil pa por a reuni tur e integrantenan ya cu tur tin nan compromisonan familiar y profesional. A opta pa reuni cu integrantenan cu tabata forma parti di e grupo pa e ultimo 2 añanan di existencia di e grupo, mirando cu ta 60 integrante e grupo aki a conta cune durante su existencia. E grupo cu a toca, canta y balia diasabra tabata Gina Maduro, Enid, Nati, Helen Guda, Junice, Lurena, Jeta, Mirta Maduro, Etliene, Mirella, Gislaine, Moira, Vinessa Kock, Irena, Zusette, Niurca, Caroline, Marion, Nicole y Vivienne.

- Advertisement -

DUNA COMENTARIO

Please enter your comment!
Please enter your name here