Home Cultura Juby Naar honra cu premio “Cosecha di Cultura”

Juby Naar honra cu premio “Cosecha di Cultura”

4
0
SHARE
- Advertisement -

ORANJESTAD(AAN)–  Colega Juby Naar por papia aki di 3 den 1, esta tres reconocimento den un luna, di cualnan ta un so el a logra cumpli cune.

El a wordo honra como “Leyenda di Carnaval” pa SMAC pero no por a atende pa motibo di trabao. Despues el a wordo honra den actividad di Den Ambiente Awards di Jan Poets, pero e anochi ey “Andanza number un”  di Aruba tabata tin e tira abao.

E di tres reconocimento a bini cu celebracion di Fundacion Parke Curazon Nobo na Paraiso Organico na Jan Flemming.  Aki si e por a presenta ya cu coleganan a colabora pa wanta trabao p’e te ora e bolbe, como cu tabata su anochi di trabao ademas.

President di Fundacion Parke Curazon Nobo, Sr. Michael Santiago Lopez,  a otorga e premio “Cosecha di Cultura” na Juby como reconocimento pa tur su esfuerzonan dedica na nos cultura.

Juby a sinti su mes masha honra cu e reconocimento aki y a gradici e fundacion, tambe president Michael Lopez, y ademas Bertha Wolff,  Ailene Croes, y tur colaborador di e Paraiso Organico, pa e acogida cu el a ricibi na Jan Flemming ye atencion grandi cu tabata tin pa su persona.  Den su columna Juby ta elabora tocante e anochi aki y aki por mira algun foto di e evento precioso cu tabata tin.

- Advertisement -

DUNA COMENTARIO

Please enter your comment!
Please enter your name here